Loko Xikwembu xi ri rirhandzu, hikwalaho ka yini vukhongeri lebyi vulaka leswaku byi gandzela Xikwembu byi endla manyala yo tala hi ndlela leyi? Handle ko ba mariri, vukhongeri lebyi i bya mavunwa; byi hembela Xikwembu. Byi xi hembela njhani? Xi titwa njhani hi swona naswona xi ta endla yini?

1. Vukhongeri bya mavunwa byi xi hembela njhani Xikwembu hi leswi byi swi dyondzisaka?

Vukhongeri bya mavunwa byi “tshike ntiyiso wa Xikwembu hikwalaho ka mavunwa.” (Varhoma 1:25) Hi xikombiso, vanhu vo tala lava nghenaka tikereke a va ri tivi ni vito ra Xikwembu hikuva a va dyondzisiwi etikerekeni. Kambe Bibele yi vula leswaku vito ra Xikwembu ri fanele ri tirhisiwa. (Varhoma 10:13, 14) Loko ku humelela khombo, vafundhisi va van’wana va vula leswaku i ku rhandza ka Xikwembu. Kambe wolawo i mavunwa ya rihlaza. Xikwembu a xi nge pfuki xi endle swo biha. (Hlaya Yakobo 1:13.) Lexi twisaka ku vava, mavunwa lama dyondzisiwaka hi vafundhisi ma endla leswaku vanhu va nga ha lavi ku twa nchumu hi Xikwembu.

2. Vukhongeri bya mavunwa byi landzula Xikwembu hi leswi byi swi endlaka hi ndlela yihi?

Vukhongeri bya mavunwa a byi khomi vanhu hi ndlela leyi Yehovha a va khomaka ha yona. Bibele yi vula leswaku “swidyoho swa [vukhongeri bya mavunwa] swi tlhandlekelane ku ya fika etilweni.” (Nhlavutelo 18:5) Se i khale swinene vukhongeri byi nghene hi nhloko eka tipolitiki, byi seketela tinyimpi ni ku hoxa xandla eku dlayiweni ka vanhu va ntsandzavahlayi. Vafundhisi van’wana va sindzisa valandzeri va vona ku nyikela leswaku va ta hanya emafurheni. Swilo leswi va swi endlaka swi swi veka erivaleni leswaku a va xi tivi Xikwembu naswona a va faneleki ku vitaniwa malandza ya xona.—Hlaya 1 Yohane 4:8.

3. Xikwembu xi titwa njhani hi vukhongeri bya mavunwa?

Loko u hlundzukisiwa hi swilo leswi endliwaka hi vukhongeri, u vona onge Yehovha u titwa njhani hi swona? Yehovha u rhandza vanhu kambe u hlundzukele vafundhisi lava n’wi delelaka va tlhela va xanisa valandzeri va vona. U tshembisa ku herisa vukhongeri bya mavunwa naswona a byi ‘nge he tlheli byi va kona.’ (Nhlavutelo 18:21) Ku nga ri khale, Xikwembu xi ta herisa vukhongeri hinkwabyo bya mavunwa.—Nhlavutelo 18:8.

 ANAKANYISISA

4. Xikwembu a xi amukeli vukhongeri hinkwabyo

Vanhu vo tala va tshemba leswaku vukhongeri byi fana ni tindlela to hambanahambana leti hinkwato ka tona ti yaka eka Xikwembu. Kambe, xana sweswo i ntiyiso? Hlaya Matewu 7:13, 14, ivi mi bula hi xivutiso lexi:

• Bibele yi yi hlamusela njhani ndlela leyi yisaka evuton’wini?

Tlanga VHIDIYO, ivi mi bula hi xivutiso lexi landzelaka.

• Xana Bibele yi vula leswaku ku ni vukhongeri byo tala lebyi Xikwembu xi byi amukelaka?

 6. Xikwembu xi lava ku tshunxa vanhu eka vukhongeri bya mavunwa

Hlaya Nhlavutelo 18:4, a ivi mi bula hi xivutiso lexi:

• U titwa njhani hileswi Xikwembu xi lavaka ku pfuna vanhu lava hambukisiweke hi vukhongeri bya mavunwa?

7. Yana emahlweni u dyondza hi Xikwembu xa ntiyiso

Xana u fanele u sola Xikwembu hikwalaho ka leswi endliwaka hi vukhongeri bya mavunwa? Ehleketa hi jaha leri nga yingisiki dyondzo leyi pfunaka ya bava wa rona. Hiloko jaha leri ri suka ekaya ri ya hanya vutomi bya futa. Bava wa jaha leri u venga mahanyelo ya rona. Hikwalaho ka yini swi nga twali ku sola bava wa jaha leri hikwalaho ka mahanyelo ya rona yo biha?

• Xana swa twala ku sola Yehovha hikwalaho ka swiendlo swo biha swa vukhongeri bya mavunwa ivi u tshika ku dyondza hi yena?

 NKATSAKANYO

Vukhongeri bya mavunwa byi thyakise vito ra Xikwembu hi tidyondzo ta mavunwa ni manyala lama byi ma endlaka. Xikwembu xi ta byi herisa.

Mpfuxeto

• U titwa njhani hi tidyondzo leti dyondzisiwaka hi vukhongeri bya mavunwa ni swilo swo biha leswi byi swi endlaka?

• Yehovha u titwa njhani hi vukhongeri bya mavunwa?

• Yehovha u ta endla yini hi vukhongeri bya mavunwa?