XANA YI LO ENDLIWA?
Ndlela Leyi Vulwembu Bya Puma Byi Namarhelaka Ha Yona
PUMA ra le Amerika ri humesa vulwembu lebyi tiyeke swinene lerova byi nga namarhela khumbi kambe hi hala tlhelo byi kota ku tsanyuka byi ya ehansi leswaku ri ta phasa swilo leswi ri swi dyaka. Xana puma leri ri swi kotisa ku yini ku humesa xidamarheti xo tiya lexi hi hala tlhelo xi tsanyukaka hi ku olova?
Swiphemu-phemu swa silika leyi namarhelaka swinene
Xiya: Puma leri ri namarheta vulwembu bya rona ekhumbini, esilin’ini kumbe eka swilo swin’wana swo yelana ni sweswo hi ku lukelela swiphemu-phemu swa silika leyi namarhelaka swinene, leyi tiyeke swinene lerova yi nga kota ku phasa swilo leswi hahaka leswi ri swi dyaka. Hi hala tlhelo, valavisisi va le Yunivhesiti ya Akron eOhio le U.S.A., va tshubule leswaku swiphemu-phemu leswi swa silika leswi damarhetiwaka emisaveni swi endliwe hi ndlela leyi hambaneke swinene. Swiphemu-phemu leswi swa silika swi endla leswaku vulwembu byi suka hi ku olova kutani byi phasa nchumu wihi na wihi lowu byi namarheleke.
Swiphemu-phemu swa silika leswi damarhetiwaka emisaveni
Hi ku ya hi swiviko swa mahungu swa le Yunivhesiti ya Akron, valavisisi lava tshubuleke xivumbiwa lexi xo hlamarisa “va le ku ringeteni ka ku endla nchumu lowu namarhelaka ku fana ni vulwembu bya xivumbiwa lexi, lebyi kotaka ku namarhela hi hala tlhelo byi tsanyuka.” Van’wasayense va tshemba leswaku va ta kota ku endla xidamarheti lexi nga ta tirhisiwa ku namarheta tibandichi leti tolovelekeke hi hala tlhelo xi namarheta marhambu.
U anakanya yini? Xana vuswikoti bya puma leri byo humesa xidamarheti xo tiya lexi hi hala tlhelo xi tsanyukaka byi lo tiendlekela kumbe byi lo endliwa?
U Nga Ha Tsakela
XALAMUKA!
Swivumbeko Swa Swiphambati Swa Tihumba Ta Le Lwandle
Swivumbeko swa swiphambati swa tihumba ta le lwandle swa tisirhelela.
XALAMUKA!
Muhlovo Wo Saseka Wa Wasi Wa Muhandzu Wa Nhova Lowu Vuriwaka Pollia
Muhandzu lowu i wa wasi kambe a wu na tona tisele leti humesaka muhlovo wa wasi. I yini lexi endlaka leswaku muhandzu lowu wu va wa wasi?
XALAMUKA!
Voya Bya Otter Ya Le Lwandle
Swiharhi swin’wana leswi hanyaka ematini swi pfuniwa hi mafurha yo tala enyameni ya swona leswaku swi kufumela. Otter ya le lwandle yi tirhisa ndlela yin’wana leswaku yi kufumela.
XALAMUKA!
Vuswikoti Bya Nyoxi Byo Phatsama
I yini lexi endlaka leswaku ndlela leyi nyoxi yi phatsamaka ha yona yi tirha loko yi tirhisiwa eka tirhoboto to haha?
XALAMUKA!
Miri Wa Risokoti Ra Silivhere Ra Le Sahara Lowu Kotaka Ku Ri Sirhelela Eka Ku Hisa
Xitsotswana lexi hi xin’wana xa swihadyana leswi kotaka ku tiyiselela ku hisa. Ri swi kotisa ku yini ku tiyiselela ku hisa ko tano?
XALAMUKA!
Swivoyana Swa Mbatsana Ya Le Lwandle
Mbatsana yi kota ku namarhela hi ku tirhisa swivoyana. Ku twisisa ndlela leyi yi tirhaka ha yona swi nga pfuna eku endleni ka swilo swo aka ha swona ni ndlela yo hlanganisa misiha ni marhambu.
