XANA TI LO ENDLIWA?
Timpapa Ta Phaphatani Leti Kotaka Ku Tswonga Ku Hisa Ka Dyambu
LESWAKU vativi va sayense va hunguta ndlela leyi vanhu va titshegeke ha yona hi swicelwa swo tanihi malahla ni oyili, va tiyimisele ku antswisa ndlela leyi michini leyi tswongaka dyambu yi tirhaka ha yona. N’wa sanyense un’wana u te: “Nchumu lowu nga hi pfunaka ku tlhantlha xiphiqo lexi, i khale wu ri kona kambe a hi nga wu xiyi.”
Magegetsu lama nga eka timpapa ta phaphatani ma ni swimbovana swo fana ni xihlenge xa tinyoxi
Xiya: Leswaku maphaphatani ma tshama ma ri karhi ma kufumela loko ku titimela, ma pfula timpapa ta wona edyambyini. Timpapa ta minxaka yin’wana ya maphaphatani ti tswonga dyambu hi ndlela leyi nga tolovelekangiki. Leswaku ma kota ku endla tano ma pfuniwa hi xivumbeko xa timpapa ta wona leti nga ni magegetsu lama tlhandlakaneke lawa ma nga voniwaka hi makhiroskopu. Magegetsu wolawo ma ni swimbovana swo fana ni swa xihlenge xa tinyoxi leswi hambanisiwaka hi tilayini leti hingakanyanaka leti endlaka leswaku dyambu ri kota ku nghena eka swimbovana sweswo. Xivumbeko lexi xi nghenisa dyambu xi tlhela xi endla leswaku timpapa ti ntima swinene ti kufumeta phaphatani.
Website ya Science Daily yi ri: “Timpapa ta phaphatani i swin’wana swa xivumbiwa lexi oloveke ngopfu kambe ti khutaze valavisisi leswaku va anakanya hi thekinoloji leyintshwa leyi nga ta pfuna eka gasi leyi nga ta huma eka mati ni dyambu.” Swilo swin’wana leswi ku nga ni ntshembo wa leswaku swi nga endliwa swi katsa switirhisiwa swo vona ha swona ni leswi tswongaka dyambu.
U anakanya yini? Xana timpapa ta phaphatani leti kotaka ku tswonga ku hisa ka dyambu, ti lo tiendlekela? Kumbe ti lo endliwa?
U Nga Ha Tsakela
XALAMUKA!
Phaphatana Ra Mivalavala—Ku Tshuburiwa Ka Mhaka Leyi A Yi Nga Tiviwi
Vanhu va le Britain i khale va ri karhi va xiya phaphatana leri ra mivalavala. Sweswinyana valavisisi va tshubule mhaka leyi a yi nga tiviwi.
XALAMUKA!
Muhlovo Wo Saseka Wa Wasi Wa Muhandzu Wa Nhova Lowu Vuriwaka Pollia
Muhandzu lowu i wa wasi kambe a wu na tona tisele leti humesaka muhlovo wa wasi. I yini lexi endlaka leswaku muhandzu lowu wu va wa wasi?
XALAMUKA!
Voya Bya Otter Ya Le Lwandle
Swiharhi swin’wana leswi hanyaka ematini swi pfuniwa hi mafurha yo tala enyameni ya swona leswaku swi kufumela. Otter ya le lwandle yi tirhisa ndlela yin’wana leswaku yi kufumela.
