Wa Rhambiwa Eka Nkulumo Yo Hlawuleka

U Nga Wu Kuma Nsirhelelo eMisaveni Leyi Nga Ni Maxangu!

Nkulumo leyi, leyi sekeriweke eBibeleni yi ta nyikeriwa ematikweni yo tlula 230 emisaveni hinkwayo. Etindhawini to tala, nkulumo leyi yi ta nyikeriwa hi Sonto, April 15, 2007. U ta dyondza yini? Hi xikombiso xiya leswi:

I yini lexi endleke leswaku vanhu va tibiliyoni emisaveni hinkwayo va titwa va nga sirhelelekanga?

Kahle-kahle vanhu va sungule rini ku titwa va nga ha sirhelelekanga?

Vuhlayiseki bya xiviri byi nga kumiwa kwihi naswona njhani?

Tikumele tinhlamulo ta swivutiso leswi hi ku va kona eka nkulumo leyi ya nkoka leyi sekeriweke eBibeleni leyi nga ta nyikeriwa etindhawini to ringana makume ya magidi. Etindhawini to tala, yi ta nyikeriwa eHolweni ya Mfumo ya Timbhoni ta Yehovha. Timbhoni ta le endhawini ya ka n’wina ti ta swi tsakela ku ku byela leswaku nkulumo yoleyo yi ta nyikeriwa kwihi hi nkarhi muni. Ha ku rhamba swi huma embilwini leswaku u va na hina eka nkulumo ya Bibele leyi fikeke hi nkarhi ni leyi khutazaka.