Hi vusiku bya le mahlweni ko va a nyikela vutomi byakwe, Yesu u lerise valandzeri vakwe vo tshembeka leswaku va tsundzuka gandzelo rakwe. Hi ku tirhisa xinkwa xo kala comela ni vhinyo yo tshwuka emahlweni ka vona, u simeke xiendlakalo lexi vitaniwaka Xilalelo xa Hosi kutani a va lerisa a ku: “Tshamani mi ri karhi mi endla leswi leswaku mi ndzi tsundzuka.”—Luka 22:19.

Lembe ni lembe, Timbhoni ta Yehovha emisaveni hinkwayo ta hlangana leswaku ti tsundzuka siku leri Yesu a dlayiweke ha rona. Hi 2014, Xitsundzuxo xi ta va hi Musumbhunuku, April 14 endzhaku ka ku pela ka dyambu.

Wa rhambiwa leswaku u va kona eka nhlangano lowu, laha ku nga ta buriwa hi ndlela leyi gandzelo ra rifu ra Yesu ri nga ra nkoka ha yona. Ku ngheniwa mahala eka xiendlakalo lexi. A ku humesiwi minhlengo. Munhu loyi a ku nyikeke magazini lowu u ta ku byela nkarhi ni ndhawu leyi Xitsundzuxo xi nga ta khomeriwa eka yona kumbe u nga ha nghena eka Web site ya hina ya jw.org/ts. Hi kombela u ri tsala ehansi siku leri xiendlakalo lexi xi nga ta va ha rona lexi hi nga ni ntshembo wa leswaku a xi nge ku hundzi.