VANHU VAN’WANA VA TSHEMBA leswaku hi ya emahlweni hi hanya hi xivumbeko xin’wana, loko van’wana va tshemba leswaku rifu i makumu ya swilo hinkwaswo. I yini leswi u swi tshembaka?

LESWI BIBELE YI SWI VULAKA

“Lava feke, a va tivi nchumu nikatsongo.” (Eklesiasta 9:5) Loko hi fa, hi tshika ku va kona.

SWILO SWIN’WANA LESWI HI SWI DYONDZAKA EBIBELENI

• Adamu, wanuna wo sungula, u tlhelele entshurini loko a fa. (Genesa 2:7; 3:19) Hilaha ku fanaka, hinkwavo lava faka va tlhelela entshurini.—Eklesiasta 3:19, 20.

• Vanhu hinkwavo lava faka va rivaleriwa swidyoho swa vona. (Varhoma 6:7) Endzhaku ka loko munhu a file, a nga yi emahlweni a xupuriwa hikwalaho ka swidyoho swakwe.

XANA A WU TA VULA U KU?

• Ina

• Nikatsongo

• Kumbexana

LESWI BIBELE YI SWI VULAKA

“Ku ta va ni ku pfuxiwa” ka lava feke.—Mintirho 24:15.

HI SWIHI SWIN’WANA LESWI HI NGA SWI DYONDZAKA EBIBELENI?

• Minkarhi yo tala, Bibele yi fanisa rifu ni ku etlela. (Yohane 11:11-14) Xikwembu xi nga swi kota ku pfuxa vafi, ku fana ni loko hi kota ku pfuxa munhu loyi a etleleke.—Yobo 14:13-15.

• Bibele yi ni swiviko swo hlayanyana swa ku pfuxiwa ka lava feke, leswi swi hi nyika xitiyisekiso xo tshemba leswaku lava feke va ta pfuxiwa.—1 Tihosi 17:17-24; Luka 7:11-17; Yohane 11:39-44.