Tipisalema 81:1-16
Ka mayextru; hi ta Gititi.* Pisalema ya Azafi.+
81 Huwelelani hi ku tsaka ka Xikwembu lexi hi nyikaka ntamu.+
Banani minkulungwani mi dzunisa Xikwembu xa Yakobe.
2 Sungulani ku chaya muzika hi xingomana,Haripa leyi tsakisaka ni switende.*
3 Chayani limhondzo hi siku la ku huma ka n’weti,+Hi nkama lowu n’weti wu humaka na wu talile, hi siku la fexta la hina.+
4 Hikusa i nawu lowu nga nyikiwa Israyele,Nawu wa Xikwembu xa Yakobe.+
5 Xi swi veke swaku swi khumbukisa Yosefa+Nkama xi nga huma swaku xi ya lwa ni tiko la Gibita.+
Ni twe rito* la ku kala ni nga li tivi na li ku:
6 “Ni mu rhule ndzhwalu ka makatla;+Ni mu tekele ndzhava ka mavoko.
7 U ni vitanile nkama na u li ka mahlomulu ni gama ni ku pfuna;+Ni ku hlamule na ni li ka marhefu lama dzindzaka.*+
Ni ku kambelile ka mati ya Meriba.*+ (Sela)
8 Yingisani n’wina vanhu va mina, ni ta mi khumbukisa.
Loko ntsena wo yingisa wena Israyele.+
9 Xikarhi ka wena a ku nga ta va ni xikwembu xa ku kala u nga xi tivi.Naswona a wu nga ta khizamela xikwembu xa matiko man’wani.+
10 Mina Yehovha, ni Xikwembu xa wena,Lweyi a nga ku humesa ka tiko la Gibita.+
Wu pfule kahle nomo wa wena, ni ta wu tata hi swakudla.+
11 Kambe vanhu va mina a va ni yingisanga;Israyele a nga swi lavi ku ni yingisa.+
12 Se ni va tshikile va landzelela timbilu ta vona ta ku tiyela;Va yendle leswi a va pimisa swaku swi lulamile.+
13 Loko vanhu va mina a vo ni yingisa,+Loko Israyele a wo famba ka tindlela ta mina!+
14 A ni ta hantla ni hlula valala va yena;A ni ta lwa ni valala va yena.+
15 Lava nyenyaka Yehovha va ta rhurhumela phambheni ka yena,Va ta khatisiwa swa wugamu.
16 Kambe yena a ta ku* phamela trigu lalinene,+A ta ku nyika wulombe leli humaka ka ribye.”+
Tinhlamunselu ta le hansi
^ Vona Ntlhamuselo.
^ I nchumu xa ku chaya muzika.
^ Kumbe: “lirimi”.
^ Leswi vulaka “Ku Holova.”
^ Hi Xiheberu: “ka ndhawu leyi nga tumbela ya ku dzindza.”
^ Ku nga vanhu va Xikwembu.
