Misava Leyi Nga Tala Hi Swikarhatu — U Nga Hanyisa Ku Yini Ka Yona?
Ku nga va swaku swikarhatu ni tinghozi leti humelelaka lani misaveni namuntlha, swi ku yendla u karhateka hintamu hi ndlela ya ku a wu nge se tshama u karhateka hi yona? Ku nga va swaku swikarhatu kumbe tinghozi leti landzelaka ta humelela lomu u tshamaka kona?
tinyimpi
mintungu
tinghozi ta ntumbuluku
wusiwana
xikheto
wugevenga
Vanhu va ku tala loko va humeleliwa hi tinghozi leti kumbe swikarhatu, va hela ntamu. Van’wani loko se ku humelele nghozi a va swi tivi kumbe va ta rila, kumbe va ta ku yini, ni xa ku xi yendla a va xi tivi. Kambe ku va ka xiyimu xolexo ku ringana nkama wa wunyingi swi ngo yendla swaku xiyimu xi ya xi karhata.
Ka misava leyi nga tala hi swikarhatu ni tinghozi, i swa lisima swaku hi yendla leswi hi nga swi kotaka swaku hi vhikela ndjangu wa hina ka mavabyi, hi wu hlayisa ni ku tlhela hi wu pfuna swaku wu tsaka.
I mpsini leswi u nga swi yendlaka swoswi swaku u kota ku langutana ni swikarhatu kumbe tinghozi leti nga humelelaka ka misava leyi?
