“Akute Kufuma Ka Wena” — Xikhongelo Lexi Vanhu Vanyingi Vaxi Yendlaka
U tshama u khongela u kombela swaku Mfumu wa Xikwembu wu ta? I khale vanhu na va khongela va ku: “Akute kufuma ka wena”. Hi mhaka muni vanhu va hamba xikhongelo lexi? Hi mhaka Yesu a byele vadjondzisiwa va yena leswaku va khongela va kombela swaku Mfumu wa Xikwembu wu ta.
Akusunguleni, vadjondzisiwa va Yesu avangaswi twisisi hinkwaswu leswi Yesu aaswi vula hi Mfumu wa Xikwembu. Siku lin’wana vamu vutisile vaku: “Hosi, xana hi wona nkama lowu ungatapfuxa mfumu wa Israyeli ke?” Swinga yendleka va hlamalile hileswi Yesu akalaka angava byelanga nkama wa kukongoma lowu Mfumu wa Xikwembu awuta ta hi wona. (Mintirho 1:6, 7) Swi vula swaku ahingeswi tivi swaku Mfumu wa Xikwembu i yini ni leswaku wuta ta siku muni? Ahi swona!
A revhixta leli la Murindzi litaku pfuna kukuma tinhlamulu ta swivutiso leswi landzelaka:
Hi mhaka muni hi lava Mfumu wa Xikwembu?
Hi mani Hosi ya Mfumu wa Xikwembu?
Mfumu wa Xikwembu wuta sungula kufuma nkama muni la misaveni?
I mpsini leswi Mfumu wa Xikwembu wungataswi yendla?
Hi mhaka muni hi fanele hi seketela Mfumu wa Xikwembu swoswi?
A Mfumu wa Xikwembu i yini?
Ni Mhaka Leyi Yi Ta Ku Tsakisa
ESSENTIAL BIBLE TEACHINGS
Xana Mfumu wa Xikwembu I Yini?
Ka ntirhu wa yena wochumayela laha misaveni, Yesu adjondzise hi Mfumu wa Xikwembu kutlula swilu hinkwaswu. Se kuhundza malembe yotala, na valandzeli va yena vakhongelela leswaku Mfumu wolowo wuta.
