Бу сүз Нух улы Шемнең токымнарыннан килеп чыккан халыкларга, шулай ук шул халыкларның телләренә һәм культурасына кагыла (Яр 10:21—31).

Борынгы семит халыкларына гарәп халыклары, шулай ук арамлылар (суриялеләр), ассириялеләр, борынгы калдайлылар, иламлылар, еврейләр һәм башкалар кергән. Семит халыклары Азия континентының көньяк-көнбатышта яшәгән. Бу территориягә Бәрәкәтле ярым ай җиренең (Плодородный Полумесяц) шактый өлеше һәм Гарәбстан ярымутравының зур өлеше кергән.

Борынгы вакытта семит телләренә аккад теле (Ассириядә һәм Бабылда яшәүче кешеләр сөйләшкән тел), гарәп, арамей, еврей теле, шулай ук Исраилнең башка күрше халыкларының, мәсәлән амунлылар һәм моаблыларның телләре кергән (Яр 11:27; 19:30, 37, 38). Башка бернинди телләр төркеме дә язма рәвештә шулкадәр озак вакыт дәвамында кулланылмаган.

Берәр сүз, исем я идиома турында «семит» дип әйтелгәндә, бу аның семит теленнән чыкканын я семит теленә хас үзенчәлекләргә ия булганын аңлата.