Abantu baingi nibagonza habeho obwinganiza hagati y’abantu ab’erangi ezirukwahukana, baitu eki tikikasobokere.

•   “Okusororrangana omu rangi nikukyagumizaamu kusiisa enkoragana omu bitongole, ebitebe by’abantu, n’okukwataho obwomeezi bw’abantu buli kiro. Nikukyagumizaamu kuleetera abantu kutwazangana omu mulingo ogutali gw’obwinganiza.”—António Guterres, UN Secretary-General.

 Halibaho obwinganiza hagati y’abantu aberangi ezirukahukana? Baibuli n’ekyegesaaho ki?

 Baibuli eyegesa omulingo Ruhanga aroramu abantu aberangi ezirukwahukana.

•   “[Ruhanga] akakora okuruga hali omu amahanga gona agabantu okuikara hansi embaju zona.”—Engeso Ezabakwenda 17:26.

•   “Ruhanga tasorora omu bantu: baitu, omu ihanga lyona anyakumutina nakora okuhikirra nuwe asiimwa.”—Engeso Ezabakwenda 10:34, 35.

 Baibuli n’eyoleka ngu abantu boona omu nsi bainehongana obuzaale kandi Ruhanga aikiriza abantu aba buli rangi.

 Obukama bwa Ruhanga kandi egi niyo gavumenti ey’omu iguru, nubwo buliretaho obwinganiza bwonyini. Gavumenti egi niyo eryegesa abantu omulingo oguhikire ogubasemeriire kutwazaamu abantu abandi. Abantu balyega kweihamu enyehurra zoona ez’okusoroorangana omu rangi.

•   “Abaikara hansi [nibaija kwega] okuhikirra.”—Isaya 26:9.

•   “Nomulimo gwokuhikirra guliba businge; nokukora kwokuhikirra kuliba obuculezi [n’obulinzi] ebiro byona.”—Isaya 32:17.

 Kasumi kanu obukaikuru bw’abantu nibeega kuruga omu Baibuli nk’oku basemeriire kutwaza abandi omu mulingo ogw’ekitiinisa.

•   Kumanya ebirukukiraho, soma magaziini eya Awake! enyakwine omutwe “Is There a Cure for Prejudice?”

•   Soma ekicweka “Talking to Children About Racism” kumanya omulingo abazaire basobora kubazaaho ensonga enu n’abaana babo omu ka.