OMU ndiimi Baibuli yabandize kuhandiikwamu, Baibuli ekozesa ekigambo ky’Oruheburaniya sheʼohlʹ kandi Omuruyonani hai’des emirundi ekukira omu 70. Ebigambo ebibiri ebyo nibikwata ha kufa. Baibuli ezimu zibyoleka nka “ekituro,” “hell” rundi “ekiina.” Kyonka omu ndiimi ezikukira obwingi, busaho bigambo ebikwihayo kurungi amakuru g’ebigambo binu eby’Oruheburaniya n’Oruyonani. Nikyo yo New World Translation ekozesa “Sheol” na “Hades.” Ebigambo binu mali bimanyisa ki? Ka twetegereze omulingo bikozesebwa omu bicweka ebikwahukana omu Baibuli.

Omugambizi 9:10 rugamba: “Tiharoho mulimo nubuhakuba okuhanura n’obukwakuba okumanya nobugakuba amagezi okuzimu, nambere orukugenda.” Kinu nikimanyisa ngu okuzimu kituro ky’omuntu omu rundi hali omugonzebwa waitu yaziikirwe? Nangwa. Baibuli obwebaza ha kituro ky’omuntu ekozesa ebigambo bindi eby’Oruheburaniya rundi Oruyonani, baitu hatali sheʼohlʹ rundi haiʹdes. (Okubanza 23:7-9; Matayo 28:1) Kandi Baibuli tekozesa ‘okuzimu’ okumanyisa nambere bazika abantu baingi ha murundi gumu, okulengesaniza, nka ab’omu eka emu, rundi ekituro omuzikirwe abantu baingi.—Okubanza 49:30, 31.

Hati “Okuzimu” kimanyisa ki? Ekigambo kya Ruhanga kyoleka ngu “okuzimu” kukukiraho ha kiina ky’okuzikamu abantu baingi. Nk’eky’okurorraho, Isaya 5:14 rugamba ngu okuzimu “egalihiize kandi eyasamize akanwa kayo okukira okulenga.” Okuzimu nubukuraba kumizire abantu obutabarwa, tikwiguta. (Enfumo 30:15, 16) Butasisana ekituro ekijura hanyuma y’okuzikamu abantu abaingi, ‘okuzimu tikwiguta.’ (Emfumo 27:20) Nikimanyisa ngu, Okuzimu tihasobora kwijura. Tikwina ahakugarukira. Nahabwekyo, okuzimu tikwina kiikaro. Oihireho kiri kiikaro ky’emanyiso, nambere abafu boona bali.

Baibuli eby’eyegesa ha kuhumbuuka bitukonyera kweyongera kwetegereza amakuru g’ekigambo “Okuzimu.” Ekigambo kya Ruhanga kyoleka ngu abagenda okuzimu baija  kuhumbuka. * (Yobu 14:13; Engeso 2:31; Okusuku’rwa 20:13) Kandi ekigambo kya Ruhanga kyoleka ngu okuzimu haliyo abaheriize Yahwe n’abatamuheriize. (Okubanza 37:35; Zabuli 55:15) Nahabwekyo, Baibuli eyegesa ngu nihagenda kubaho “okuhumbuka okw’abahikirire n’abatahikirire.”—Engeso 24:15.