Yesaya 51:1-23
51 “Pulikani kwa ine, imwe mukulondezga urunji,Imwe mukupenja Yehova.
Laŵiskani ku jalawe ilo muli kupandukakoNa ku khululu ilo mukajimikamo.
2 Laŵiskani kwa Abrahamu wiskemweNa kwa Sara+ uyo wakamubabani.
Pakuti wakaŵa yekha apo nkhamuchemanga,+Ndipo nkhamutumbika na kumwandaniska chomene.+
3 Yehova wasanguluskenge Ziyoni.+
Wasanguluskenge malo ghake ghose ghakupasuka,+Wazgorenge mapopa ghake nga ni Edeni+Na vidika vyake nga ni munda wa Yehova.+
Kuzaya na kusekelera viŵenge mwa iyo,Kuwonga na kwimba sumu.+
4 Tegherezgani kwa ine, imwe ŵanthu ŵane,Thyani khutu kwa ine, imwe mtundu wane.+
Pakuti dango lifumenge kwa ine,+Ndipo weruzgi wane wakunyoloka uŵenge nga mbungweru ku ŵanthu.+
5 Urunji wane uli pafupi.+
Chiponosko chane chifumenge,+Ndipo mawoko ghane gheruzgenge ŵanthu.+
Virwa vigomezgenge mwa ine,+Ndipo vilindilirenge woko lane.*
6 Tumphuskirani maso ghinu kuchanya,Ndipo mulaŵiske pa charu chapasi.
Pakuti machanya ghamwalalikirenge nga ni josi,Charu chapasi chitchujukenge nga ntchakuvwara,Ndipo awo ŵakukhalamo ŵafwenge nga ni skuwuwu.
Kweni chiponosko chane chiŵenge chamuyirayira,+Ndipo urunji wane utondekengepo chara.+
7 Pulikani kwa ine, imwe mukumanya urunji,Imwe mu mtima winu muli dango lane.*+
Kopa chara miyuyuro ya ŵanthu,Panji kutenthema na msinjiro wawo.
8 Pakuti chidoyo chiŵaryenge nga ntchakuvwara.Vidoyo vya mu malaya viŵamilimitizgenge nga ni weya.+
Kweni urunji wane ukhalilirenge muyirayira,Na chiponosko chane ku miwiro yose.”+
9 Wuka, wuka, ujivwalike nkhongono,Iwe woko la Yehova!+
Wuka nga ni mu mazuŵa ghakale chomene, nga ni mu miwiro yakumanyuma.
Asi ndiwe ukatekenyura Rahabi,*+Na kulasa chikoko chamunyanja?+
10 Asi ndiwe ukakamuska nyanja, vimaji vya ndimba yikuru?+
Asi ndiwe ukapanga nthowa mu nyanja kuti ŵakuwomboleka ŵambuke?+
11 Ŵakuwomboleka ŵa Yehova ŵazamuwelera.+
Ŵazamwiza ku Ziyoni na kusekelera kukuru,Ndipo chimwemwe chambura kumara chizamuŵa pa iwo.*+
Kuzaya na kusekelera vizamuŵa vyawo,+Ndipo chitima na kutampha vizamuchimbira.+
12 “Ine ndine nkhukusanguluska.+
Kasi ukoperachi munthu uyo wafwenge+Na mwana wa munthu uyo wafotenge nga mbutheka wakubiliŵira?
13 Kasi ukuluwirachi Yehova Mlengi wako,+Uyo wakatandawura machanya+ na kujintha charu chapasi?
Zuŵa lose ukawopanga ukali wa wakuyuzga,Nga ni para wangakuparanya.
Kasi sono uli nkhu ukali wa wakuyuzga?
14 Uyo wasindama uku wali mu simbi wafwatukenge sonosono.+Wafwenge chara panji kukhilira ku khululu,Wasoŵenge chakurya chara.
15 Kweni ine ndine Yehova Chiuta wako,Uyo wakuvundura nyanja kuti majigha ghake ghapome,+Zina lake ni Yehova wa mawumba.+
16 Niŵikenge mazgu ghane mu mulomo wako,Nikubenekelerenge na mfwiri wa woko lane,+Kupanda machanya na kujintha charu chapasi+Na kuti kwa Ziyoni, ‘Ndimwe ŵanthu ŵane.’+
17 Wuka, wuka, nyamukira muchanya, iwe Yerusalemu,+Wamweneiwe wamwa mu nkhombo ya ukali kufuma mu woko la Yehova.
Wamwa mu chakumweramo.Wagubulizga na kupenthyapenthya nayo.+
18 Pa ŵana wose awo wali kubaba, palije wakuti wamulongozge,Pa ŵana wose awo walera, palije wakuti wamukore pa woko.
19 Vinthu viŵiri ivi vyakuwira.
Ni njani wakulengerenge chitima?
Pharanyiko na kupasuka, njara na lupanga.+
Ni njani wakusanguluskenge?+
20 Ŵana ŵako ŵazinduka.+
Ŵagona lalilali mu makona gha msewu uliwoseNga ni mberere zamuthondo izo zawira mu ukonde.
Ukali wa Yehova wapungulikira pa iwo, kuchenya kwa Chiuta wako.”
21 Ntheura, pulika ichi,Iwe mwanakazi wakusuzgika na wakuloŵera, kweni na vinyo chara.
22 Fumu yako Yehova, Chiuta wako, uyo wakwimira ŵanthu ŵake wakuti:
“Wona, niwuskengemo mu woko lako nkhombo iyo ukupenthyapenthya nayo.+Chakumweramo, nkhombo yane ya ukali,Ndipo umwengeso chara.+
23 Niyiŵikenge mu woko la awo ŵakukutombozga,+Awo ŵakati kwa iwe: ‘Gona pasi kuti tende pachanya pako.’
Ntheura iwe ukazgora muwongo wako kuŵa nga ntcharu,Nga ni msewu kuti iwo ŵendengepo.”
Mazgu Ghamusi
^ Panji kuti, “nkhongono zane.”
^ Panji kuti, “chisambizgo chane.”
^ Wonani Mang’anamuro gha Mazgu.
^ Mazgu gheneko, “chizamuŵa pa mitu yawo.”
