“Kunangika kwa chilengiwa kukwiziska masuzgo ghanandi ku ŵanthu kweniso ku vyamoyo vinyake. Vimphepo vyankhongono kweniso vula vikunanga chomene vinthu pa charu chose ndipo ivi vikuchitika chifukwa cha kusintha kwa nyengo. Vyamoyo mu nyanja vikufwa chifukwa chakuti maji ghakuthukira chomene. Maji mu nyanja ghamba kotcha ndipo ivi vipangiskenge kuti vyamoyo vinyake mu maji vifwe.”—Inger Andersen, under-secretary-general of the United Nations and executive director of the UN Environment Programme, July 25, 2023.

 Kasi maboma pa charu chose ghangachitira vinthu lumoza kuti ghamazge masuzgo agha? Kasi ŵangakwaniska kumazgirathu masuzgo agho tikusangana nagho?

 Kweni Baibolo likuyowoya za boma ilo lizamumazga masuzgo ghose agho ghakwiza chifukwa cha kusintha kwa nyengo. Likuti: “Chiuta wakuchanya wazamwimika ufumu” panji kuti boma ilo lizamulamulira na kumazga masuzgo pa charu chose. (Daniyeli 2:44) Mu boma ili, ŵanthu ‘ŵazamupwetekana chara panji kuparanyana’ nesi kunanga charu chapasi.—Yesaya 11:9.