Mu April 2024, vula yankhongono iyo yikalokwa ku Kenya na Tanzania yikapangiska kuti maji ghatutuke na kunanga vinthu. Ŵanthu wakujumpha 185,000 ŵali kusama mu nyumba zawo ku Kenya, ndipo ŵanthu 200 ŵali kufwa. Ndipo ku Tanzania, ŵanthu pafupifupi 200,000 ŵali kusama mu nyumba zawo ndipo ŵanthu pafupifupi 200 ŵali kufwa. Ndipo vikuwoneka kuti vula yinyake yankhongono iyo yingananga chomene vinthu yilokwengeso mu masabata gha munthazi umu.

• Chachitima ntchakuti mudumbu withu yumoza pamoza na mwana wake msungwana ŵali kufwa

• Ŵapharazgi 59 ŵali kusamuka mu nyumba zawo

• Nyumba 14 zili kunangika

• Nyumba za Ufumu zitatu, na malo ghamoza ghakuchitirapo sukulu ya gulu vili kunangika

• Ŵalaŵiliri ŵadera na ŵalara ŵakupeleka wovwiri wauzimu na kovwira awo ŵakhwaskika na suzgo la kututuka kwa maji ili

Tikuŵalombera ŵabali na ŵadumbu ŵithu awo ŵakhwaskika na soka ili. Nangauli tikukhala mu nyengo zakusuzga, kweni tili na chigomezgo chose kuti sonosono apa tizamuwopa “kalikose yayi, pazamuŵavya chakukutenthemeska.”—Yesaya 54:14.