Pa November 21, 2022, chindindindi chankhongono chomene chikachitika pafupi na msumba wa Cianjur Chakumanjiliro gha Dazi kwa Java, Indonesia, ndipo chikakoma ŵanthu ŵakujumpha 260 kweniso ŵanandi ŵakapwetekeka. Ŵanthu ŵanyake ŵanandi ŵali kusoŵa, ndipo ŵanyakeso ŵanandi ŵalije malo ghakukhala. Chindindindi chankhongono ichi chapangiskaso kuti magesi ghazimwe ntheura ntchakukusuzga kwimbirana mafoni.

• Palije mubali panji mudumbu uyo wafwa, ndipo pa ŵapharazgi wose 132 awo ŵakakhalanga ku chigaŵa icho chakhwaskika na chindindindi palije na yumoza uyo wali kusoŵapo

• Nyumba 5 zanangika pachoko waka

• Palije Nyumba ya Ufumu panji Holo Yakuchitiramo Maungano iyo yanangika

• Panozgeka vyakuti ŵachekuru ŵaŵenge na mupharazgi pafupi kuti waŵawovwirenge usange pangachitikaso chindindindi chinyake

• Komiti Yakovwira Para Kwachitika Soka ndiyo yikulongozga pa ntchito yakovwira mipingo

• Ŵalaŵiliri ŵa dera ŵakwendera mipingo iyo yakhwaskika kuti ŵakhozge ŵabali mwauzimu na kuŵakhwimiska

• Ntchito yose yakupeleka wovwiri yikuchitika mwakulondezga ulongozgi wa umo tingajivikililira ku muliri wa COVID-19

Tili na chigomezgo chose kuti Yehova wapembuzgenge ŵabali ŵithu mu nyengo yakusuzga iyi.—Salimo 50:15.