Pa January 1, 2024, chindindindi chankhongono (7.6 magnitude) chili kunanga vinthu pa Chirwa cha Noto ku Japan. Chindindindi ichi na vindindindi vinyake vichokovichoko vili kunanga chomene nyumba na misewu. Ŵanthu ŵakujumpha 33,000 ŵali kusama mu nyumba zawo. Ŵanthu 400 ŵali kupwetekeka, ndipo ŵanthu 78 ŵali kufwa.

• Palije mubali panji mudumbu withu uyo wali kufwa

• Mubali yumoza wali kupwetekeka pachoko waka

• Ŵabali na ŵadumbu ŵakujumpha 150 ŵali kusama mu nyumba zawo

• Nyumba ziŵiri zili kunangikirathu

• Nyumba 7 zili kunangika chomene

• Nyumba zakujumpha 100 zili kunangika pachoko waka

• Nyumba ya Ufumu yimoza yili kunangika chomene

• Nyumba za Ufumu 8 zili kunangika pachoko waka

• Komiti Yakovwira Para Kwachitika Soka yili kupangika kuti yidangilire pa ntchito yakupeleka wovwiri

• Ŵabali ŵakufuma ku ofesi ya munthavi ya Japan ŵakaluta ku malo agha kuti ŵakakhozge ŵabali na ŵadumbu. Kweniso ŵalaŵiliri ŵadera na ŵalara ŵakukhozga ŵabali na ŵadumbu kweniso kupeleka wovwiri wakwenelera ku awo ŵakhwaskika

Tili na chigomezgo chose kuti Yehova ‘ntchigongwe chakukhora’ ku ŵabali na ŵadumbu withu ku Japan ndipo wakuŵapembuzga na kuŵakhozga pa nyengo yakusuzga iyi.—Salimo 18:2.