Ki te tokoukega o tino, a te faka‵pau o tino mai fenua kese‵kese se mea telā e se mafai o fakataunu.

•   E pule ne ia a tino ke tumau i te fakakese‵kese tino.”—António Guterres, Failautusi o te Malo ‵Soko.

 E mata, e mafai o faka‵pau a tino katoa mai fenua kese‵kese? Ne a pati a te Tusi Tapu?

 E akoako mai i te Tusi Tapu a te kilokiloga a te Atua ki tino mai fenua kese‵kese.

•   “Ne faite ne [te Atua] mai i te tagata e tokotasi a itukāiga o tino i fenua katoa ke ‵nofo i luga i te lalolagi kātoa.”—Galuega 17:26.

•   “Te Atua e se fakailoga tino, kae ko te tino mai so se fenua telā e mataku ki a ia kae fai mea tonu e talia eiloa ne ia.”—Galuega 10:34, 35.

 E fakaasi mai i te Tusi Tapu i tino katoa e kāiga kae talia ne te Atua a tino mai fenua katoa.

 E mafai o faka‵pau a tino katoa e auala i te Malo o te Atua, se pulega i te lagi. Ka akoako ne te Malo tenā a tino ki faifaiga e ‵tau o fai ne latou ki nisi tino i te auala tonu. Ka tauloto a tino ki te auala ke ‵teke atu ki so se lagonaga fakailoga tino telā e mafai o maua ne latou.

•   “E tauloto ne tino kolā e ‵nofo i te fenua a mea e uiga ki te amiotonu.”—Isaia 26:9.

•   “E iku atu a te tinā amiotonu ki te filemu, kae ko fuataga o te tinā amiotonu ko te tokagamalie mo te saogalemu tumau.”—Isaia 32:17.

 I aso nei, e lau i miliona o tino e tauloto mai te Tusi Tapu ki faifaiga e ‵tau o fai ne latou ki nisi tino i te āva mo te fakaaloalo.