“‵Pei atu tau amoga ki a Ieova, kae ka tausi ne ia koe. Ka se talia eiloa ne ia se tino amiotonu ke siga.”

Salamo 55:22

“A palani a tino ga‵lue malosi e manuia eiloa, kae ko latou katoa kolā e fai fakava‵vave olotou mea e iku atu eiloa ki te mativa.”

Faataoto 21:5

“Sa mataku, me i a au e fakatasi atu ki a koe. Sa manavase, me i a au ko tou Atua. Ka fakamalosi ne au a koe, ao, ka fesoasoani atu au ki a koe, ka puke ‵mau au ki a koe i toku lima fakaatamai o te amiotonu.”

Isaia 41:10

“Ko oi i a koutou konā, e mafai o fakaopoopo ne ia se kupita e tasi ki tena ola ona ko te manavase?”

Mataio 6:27

“Tela la, ke mo a ma manava‵se ki te aso ma taeao, me e manavase eiloa te aso ma taeao ki ana mea. E tofu eiloa te aso mo ana fakalavelave.”

Mataio 6:34

 “Ke fakamautinoa aka . . . a mea kolā e sili atu i te tāua.”

Filipi 1:10

“Ke mo a ma manava‵se koutou ki so se mea, kae ke tuku atu a mea katoa kolā e ma‵nako koutou ki ei ki te Atua fakatasi mo otou fakafetai e auala i otou talosaga; kae ko te filemu o te Atua telā e sili fakafia atu i mea katoa kolā e malamalama i ei a tino ka puipui ne ia otou loto mo te malosi o otou mafaufau e auala i a Keliso Iesu.”

Filipi 4:6, 7