Hiob 31:1-40
31 “Me ne m’ani ayɛ apam.+
Enti ɛbɛyɛ dɛn na mahwɛ ababaa* hwɛ bɔne?+
2 Ɛdɛn na anka menya afi Onyankopɔn a ɔwɔ ɔsoro no hɔ?Na agyapade bɛn na anka menya afi ade nyinaa so Tumfo a ɔwɔ sorosoro no hɔ?
3 Ɛnyɛ amanehunu na ɛda hɔ retwɛn ɔbɔnefo?Na ɛnyɛ mmusu na ɛbɛba amumɔyɛfo so?+
4 Adɛn, onhu m’akwan nyinaa?+Na ɔnkan anammɔn a mitu biara?
5 Mohwɛ a, manantew nkontompo mu da?*
Na me nan atu mmirika akɔdaadaa obi da?+
6 Ma Onyankopɔn mfa nsenia* a edi mu nkari me,+Na obehu sɛ m’abrabɔ di mu.+
7 Sɛ me nan aman afi ɔkwan no so,+Na me koma adi m’ani akyi,+Na me nsa ho agu fĩ a,
8 Ɛnde ma mingu aba, na obi foforo nni,+Na nea madua no, ma nkurɔfo ntutu.*
9 Sɛ me koma adaadaa me wɔ ɔbea foforo ho,+Na makɔtɛw+ me yɔnko pon ano a,
10 Ɛnde ma me yere nyam hwiit* mma ɔbarima foforo,Na ma mmarima foforo ne no nna.*+
11 Meyɛ saa a, anka ɛbɛyɛ aniwude,Mfomso a atemmufo no bɛtwe m’aso wɔ ho.+
12 Anka ɛbɛyɛ ogya a ɛbɛhyew biribiara asɛe no;*+Anka ɛbɛhyew me nnɔbae nyinaa ntini mpo.*
13 Sɛ mamma atɛntrenee anyɛ adwuma amma me nkoa anaa me mfenaaBere a wɔne me wɔ asɛm a,*
14 Sɛ Onyankopɔn bisa me ho asɛm a,* ɛdɛn na mɛyɛ?
Na sɛ obisa me a, asɛm bɛn na mɛka akyerɛ no?+
15 Nea ɔyɛɛ me wɔ ɔyafunu mu no, ɛnyɛ Ɔno ara na ɔyɛɛ wɔn nso anaa?+
Ɛnyɛ Ɔno ara nso na ɔnwenee yɛn ansa na wɔrewo yɛn?*+
16 Sɛ mamfa nea ahiafo pɛ amma wɔn,+Na sɛ memaa akunafo anidaso sae,*+
17 Sɛ me nkutoo na midii m’aduan,Na mamma nnyanka bi anni;+
18 (Efisɛ efi me mmeranteberem nyinaa, agyanka* faa me sɛ ne papa,Na efi me mmofraase* na mama okunafo* akwankyerɛ.)
19 Sɛ mihuu obi a ataade a onni nti ɔrewu,Anaa ohiani a onni nea ɔde kata ne ho,+
20 Sɛ mamma no me nguan ho nwi amma ne ho anyɛ no hyewAmma wanhyira* me,+
21 Na sɛ mepomaa twɛre kyerɛɛ agyanka so,+Bere a ohia me mmoa wɔ kurow pon ano a,*+
22 Ɛnde ma me nsa nhuan mfi m’abati,*Na m’abasa mmu mfi m’abatwɛw.*
23 Efisɛ na misuro amanehunu a efi Onyankopɔn hɔ,Na mantumi annyina n’anuonyam anim.
24 Sɛ mede me werɛ hyɛɛ sika kɔkɔɔ mu,Anaa meka kyerɛɛ sika kɔkɔɔ amapa sɛ, ‘Wo na mede me ho ato wo so!’+
25 Sɛ ahonyade bebree a minyae nti,+M’agyapade dodow no maa m’ani gyei,+
26 Sɛ mihuu owia* a ɛrehyerɛn,Anaa ɔsram a ɛnam n’anuonyam mu,+
27 Ɛnna me koma daadaa me wɔ kokoamMaa m’ano few me nsa ho de som wɔn a,+
28 Anka ɛno bɛyɛ mfomso a atemmufo no bɛtwe m’aso wɔ ho,Efisɛ anka mapo nokware Nyankopɔn a ɔwɔ soro no.
29 Mohwɛ a, madi ahurusi da sɛ wɔasɛe me tamfo?+Anaa m’ani agye da sɛ asɛm ato no?
30 Mamfa m’ano anyɛ bɔne da, sɛMɛdome no* sɛ onwu.+
31 Wontee sɛ nnipa a ɛwɔ me ntamadan mu rebisa sɛ,‘Hena na obetumi anya obi a onnii Hiob aduan* mmee da?’+
32 Ɔhɔho biara anna abɔnten anadwo;+Mibuee m’apon maa akwantufo.
33 Mohwɛ a, mayɛ sɛ mɛkata me mmarato so pɛn, sɛnea mmarima a aka no yɛ no?+Na mede me mfomso asie m’ataade kotoku mu anaa?
34 Mohwɛ a, misuro nea nnipadɔm bɛyɛ?Anaa misuro sɛ mmusua a aka no begu m’anim aseAma maka m’ano atom na masuro sɛ mepue akɔ abɔnten?
35 Minyae a anka obi retie me!+
Anka asɛm a maka no, mede me nsa bɛhyɛ ase.*
Ma ade nyinaa so Tumfo no nyi me ano!+
Minyae a anka nea ɔrebɔ me sobo no akyerɛw ne sobo no wɔ nhoma mu!
36 Anka mede bɛto m’abati,Na mede ahyɛ me ti sɛ ahenkyɛw.
37 Anka mɛkan anammɔn biara a metu akyerɛ no,Na mede akokoduru akɔ n’anim sɛ obirɛmpɔn.
38 Sɛ me ara m’asaase su guu me so,Na ɛne ne nkofi nyinaa boom sui,
39 Sɛ midii so aba a mantua ka,+Anaa memaa ne wuranom* abam bui a,+
40 Ɛnde ma nsɔensɔe mfifi nsi hwiit ananmu mma me,Na wura kankan mfifi nsi baali* anan.”
Ɛha na Hiob asɛm no si.
Ase Hɔ Nsɛm
^ Anaa “ɔbaabun.”
^ Ebetumi nso akyerɛ, “me ne mmarima nkontompofo anantew da?”
^ Ade a wɔde susuw biribi mu duru.
^ Anaa “ma wontutu m’asefo ngu.”
^ Nt., “mmarima foforo mmu nkotodwe wɔ no so.”
^ Ebetumi aba sɛ ɛyɛ baali.
^ Nt., “ebedi (ɛbɛmene) biribiara asɛe no.”
^ Anaa “Anka ebetutu ase.”
^ Anaa “Bere a wɔne me anya asɛm wɔ asɛnnibea a.”
^ Nt., “Onyankopɔn sɔre a.”
^ Nt., “ɔyɛɛ yɛn wɔ awotwaa mu?”
^ Nt., “memaa akunafo ani katae.”
^ Nt., “agyanka a ɔyɛ ɔbarima.”
^ Nt., “efi me maame yam.”
^ Nt., “ɔbea kunafo.”
^ Nt., “n’asen anhyira.”
^ Ebetumi nso akyerɛ, “Bere a mihui sɛ mewɔ akyigyinafo wɔ kurow pon ano no a.”
^ Anaa “nhuan mfi ne dompe so.”
^ Anaa “ne dompe so.”
^ Nt., “hann.”
^ Anaa “ne kra.”
^ Nt., “nam.”
^ Anaa “M’ahyɛnsode ni.”
^ Anaa “ne wuranom akra.”
^ Ɛyɛ afifide bi a ɛte sɛ ɛmo.
