Nnwom 103:1-22
Dawid dwom.
103 Ma minyi* Yehowa ayɛ;Ma memfa me koma nyinaa nyi ne din kronkron no ayɛ.
2 Ma minyi* Yehowa ayɛ;Mma ɛmma da sɛ me werɛ befi nea wayɛ nyinaa.+
3 Ɔde wo mfomso nyinaa kyɛ wo,+Na wo nyarewa nyinaa, otu ase.+
4 Ogye wo nkwa na woankɔ amoa* mu,+Na ɔde ne dɔ a enni huammɔ ne ne mmɔborɔhunu bɔ wo abotiri.+
5 Ɔma wo nneɛma pa ma wo ho tɔ wo+ wɔ w’asetena nyinaa mu,Na ama woakɔ so ayɛ aberante na woanya ahoɔden sɛ ɔkɔre.+
6 Yehowa de trenee+ ne atɛntreneeDi ma mmɔborɔwafo nyinaa.+
7 Ɔmaa Mose huu n’akwan,+Na ɔmaa Israel mma huu ne nnwuma.+
8 Yehowa wɔ mmɔborɔhunu ne ayamhyehye;*+Ne bo mfuw ntɛm, na ne dɔ a enni huammɔ nni ano.+
9 Ɔrenhwehwɛ yɛn ho mfomso bere nyinaa,+Na ɔremfa yɛn ho asɛm nhyɛ ne mu afebɔɔ.*+
10 Ɔnhwɛ yɛn bɔne ho ne yɛn nni,+Na ɔnhwɛ yɛn mfomso ho ntua yɛn ka.+
11 Sɛnea ɔsoro ware sen asaase no,Saa ara na ne dɔ a enni huammɔ nso yɛ kɛse boro so ma wɔn a wosuro no.+
12 Sɛnea apuei ne atɔe ntam ware no,Saa ara na wama yɛne yɛn mmarato ntam aware.+
13 Sɛnea agya hu ne mma mmɔbɔ no,Saa ara na Yehowa nso hu wɔn a wosuro no no mmɔbɔ.+
14 Onim sɛnea ɔbɔɔ yɛn;+Ɔkae sɛ yɛyɛ dɔte.+
15 Onipa dasani wɔ hɔ yi, ne nna te sɛ sare;+Ɔte sɛ wuram nhwiren a ayɛ frɔmfrɔm,+
16 Nanso mframa bɔe ara na ayera,Obi nkae mpo sɛ na ɛwɔ hɔ.*
17 Yehowa dɔ nni huammɔ, na ɛwɔ hɔ daa*Ma wɔn a wosuro no,+Na ne trenee nso wɔ hɔ ma wɔn mma asefo.+
18 Ɛwɔ hɔ ma wɔn a wodi n’apam so,+Ne wɔn a wɔhwɛ di n’ahyɛde so.
19 Yehowa de n’ahengua atim hɔ pintinn wɔ ɔsoro;+N’ahenni di biribiara so.+
20 Mo, Yehowa abɔfo+ ahoɔdenfo, munyi no ayɛ;Mo a mutie n’asɛm na mudi n’ahyɛde so.*+
21 Yehowa asafodɔm nyinaa, munyi no ayɛ;+Mo a mosom no na moyɛ n’apɛde.+
22 Yehowa abɔde nyinaa, munyi no ayɛWɔ baabiara a odi tumi.
Ma memfa me koma* nyinaa nyi Yehowa ayɛ.
Ase Hɔ Nsɛm
^ Anaa “Ma me kra nyi.”
^ Anaa “Ma me kra nyi.”
^ Anaa “ɔdamoa.”
^ Anaa “yɛ mmɔborɔhunufo ne ɔdomfo.”
^ Anaa “ɔrennya yɛn ho menasepɔw daa.”
^ Nt., “Na ne sibea nhu no bio.”
^ Anaa “fi mmeresanten kosi mmeresanten.”
^ Nt., “mote ne nne a ɔde kasa.”
^ Anaa “me kra.”
