Nnwom 16:1-11
Dawid miktam.*
16 Onyankopɔn, bɔ me ho ban, efisɛ mede wo ayɛ me guankɔbea.+
2 Maka akyerɛ Yehowa sɛ: “Wone Yehowa; adepa biara a minya no, wo nkyɛn na efi.
3 Akronkronfo a wɔwɔ asaase so no,M’ani gye saa anuonyamfo no ho paa.”+
4 Wɔn a wodi anyame foforo akyi no, wɔn yawdi dɔɔso.+
Mogya a wɔde yɛ afɔrebɔ nsã no, merenhwie bi da,Na meremmɔ wɔn din nso.+
5 Yehowa ne me kyɛfa a wɔasusuw ama me,+ ne me kuruwa.+
Wo na wobɔ m’agyapade ho ban.
6 Wɔatwa nea ɛhɔ ye ama me.
M’ani sɔ m’agyapade sɛ.+
7 Meyi Yehowa ayɛ; ɔno na wama me afotu.+
Anadwo, me tirim adwene* teɛ me so.+
8 Mede Yehowa asi m’anim daa.+
Ɔwɔ me nsa nifa, enti merenhinhim da biara da.+
9 Ɛno nti me koma ne me nipadua nyinaa* di ahurusi.
Na mete hɔ* dwoodwoo.
10 Na worennyaw me* wɔ Ɔdamoa* mu.+
Woremma nea odi nokware ma wo no nka* amoa mu.*+
11 Woma mihu nkwa kwan.+
Ahurusidi kɛse wɔ w’anim;Anigye wɔ wo nifa so daa.+
Ase Hɔ Nsɛm
^ Hwɛ Nkyerɛkyerɛmu afã hɔ.
^ Anaa “sɛnea mete nka wɔ me mu.” Nt., “m’asaabo.”
^ Nt., “m’anuonyam nyinaa.”
^ Anaa “me honam te hɔ.”
^ Anaa “worennyaw me kra.”
^ Anaa “Sheol,” kyerɛ sɛ, adasamma damoa. Hwɛ Nkyerɛkyerɛmu afã hɔ.
^ Nt., “nhu.”
^ Ebetumi nso akyerɛ, “nhu ɔporɔw.”
