Nnwom 24:1-10
-
Ɔhene nuonyamfo no afa apon no mu
-
‘Asaase yɛ Yehowa dea’ (1)
-
Dawid dwom.
24 Asaase ne ɛso nneɛma nyinaa yɛ Yehowa dea.+Asaase a ɛma nnɔbae ne wɔn a wɔtete so nyinaa yɛ ne dea.
2 Ɔde atim ɛpo so,+Na ɔde atim nsubɔnten so.
3 Hena na obetumi aforo akɔ Yehowa bepɔw so,+Na hena na obetumi agyina ne kronkronbea hɔ?
4 Nea ne ho nni asɛm,* na ne koma mu tew,+Nea ɔmfaa Onyankopɔn din* nkaa ntam a ɛyɛ atoro,Anaa nea ɔnkaa ntam a ɛyɛ nkontompo.+
5 Obenya Yehowa hɔ nhyira,+Na ne nkwagye Nyankopɔn no bebu no ɔtreneeni.+
6 Eyinom ne wɔn a wɔhwehwɛ no no asefo,Wɔn a wɔhwehwɛ w’anim dom no, O Yakob Nyankopɔn. (Sela)
7 O apon, momma mo ti so;+Tete apon, mummuebue*Mma Ɔhene nuonyamfo no mfa mu!+
8 Hena ne Ɔhene nuonyamfo yi?
Ɔne Yehowa, ɔhoɔdenfo ne otumfo no,+Ɔsabarima Yehowa.+
9 O apon, momma mo ti so;+Tete apon, mummuebueMma Ɔhene nuonyamfo no mfa mu!
10 Hena ne Ɔhene nuonyamfo yi?
Asafo Yehowa; ɔno ne Ɔhene nuonyamfo no.+ (Sela)
Ase Hɔ Nsɛm
^ Anaa “nea ne nsam yɛ kronn.”
^ Anaa “Me kra.” Ɛkyerɛ Yehowa nkwa a obi de ka ntam.
^ Anaa “monsɔresɔre.”
