Nnwom 63:1-11
Dawid dwom; saa bere no, na ɔwɔ Yuda sare so.+
63 O Onyankopɔn, wone me Nyankopɔn, na wo na mehwehwɛ wo daa.+
Wo ho sukɔm de me.*+
M’ani* agyina wo ara ma mayɛ hagyaaWɔ asaase wosee a nsu nni so so.+
2 Enti mahu wo wɔ kronkronbea hɔ;Mahu w’ahoɔden ne w’anuonyam.+
3 Esiane sɛ wo dɔ a enni huammɔ ye sen nkwa nti,+M’ano na mede bɛkamfo wo.+
4 Enti mehyira wo me nkwa nna nyinaa;Wo din mu na mɛma me nsa so abɔ wo mpae.
5 Manya* nneɛma pa ne akɔnnɔde* adi amee,Enti m’ano de ahurusi dwom beyi wo ayɛ.+
6 Mekae wo wɔ me kɛtɛ so,Na anadwo dasum,* midwinnwen wo ho.+
7 Wone me boafo,+Na wo ntaban nwini ase na meto ahurusi dwom.+
8 Mebata* wo ho denneennen;Wo nsa nifa kura me mu yiye.+
9 Wɔn a wɔrehwehwɛ me nkwa* no de,Asaase ase tɔnn na wɔbɛkɔ.
10 Wobewuwu sekan ano;Wɔbɛdan aduan ama sakraman.
11 Nanso ɔhene bedi Onyankopɔn mu ahurusi.
Obiara a ɔka no ntam no ho bɛsɛpɛw no,*Efisɛ wɔbɛma nkontompofo aka wɔn ano atom.
Ase Hɔ Nsɛm
^ Anaa “me kra.”
^ Nt., “Me nipadua ani.”
^ Nt., “srade.”
^ Anaa “Me kra anya.”
^ Anaa “mmere a awɛmfo de wɛn anadwo no.”
^ Anaa “Me kra bata.”
^ Anaa “wɔrehwehwɛ me kra asɛe no.”
^ Anaa “bɛhoahoa ne ho.”
