Te faaineine nei na rima tauturu i te mau ofai taraihia o te tapirihia i muri iho i nia i te mau pou auri no te faanehenehe i te pǎpai.

Ma te faaohipa i te mau mauhaa mai te taata taniuniu fenua, te faito ra te taeae i te vahi e faatiahia ˈi te pǎpai o te piha nohoraa. I muri roa mai, te itehia ra te nohoraa F i reira te faaotihia ra te mau piha nohoraa.

Te pîpî ra te hoê tuahine i te pape i nia i te pǎpai a pate atu ai. No te ore e haamâuˈa i te pape, e faaohipahia te hoê matini o te ote i te haumi. E ravehia te pape e roaa mai no te faarapu i te tapiri no te tapoˈi tahua.

I mua i te nohoraa E, te tâ nei te hoê taiete i te purumu.

Te faatia ra te hoê taeae 71 matahiti i te patu i rapaeau aˈe i te nohoraa F. Mai te haamataraa o teie ohipa paturaa, ua hau atu i te 100 Ite no Iehova tei mairi i te 70 matahiti tei horoa i to ratou ite e aravihi.

Hohoˈa patahia na nia. E tapoˈi fare tanuhia i te raau rii no tera vahi to te mau nohoraa atoa. E faaturahia ïa te natura, e iti mai te aufauraa ito e e tanotano atoa te taheraa o te pape ûa. E itehia i mua roa i te hohoˈa te vahi i reira e patuhia ˈi te nohoraa A e te hoê tuhaa o te mau piha ohipa.

Te tamau ra na taeae i te mau pou opani o te hoê piha nohoraa. Mea ohie e mea vitiviti roa ia tamau i te mau pou e te mau opani no te mea ua faaineine-aˈena-hia te reira hou a hopoihia mai ai.

I te taharaa mahana, te patu nei te hoê taiete i te niu o te piha ohipa. I ropu i te hohoˈa, te tuu nei te mau rave ohipa i te mau pou auri i roto i te mau apoo e 20 metera i te hohonu tei titôhia i te tima. I muri mai, e itehia te nohoraa B.

I te vahi tapearaa pereoo, te tamaumau nei te hoê rima tauturu i te mau mauhaa no te tapea i te mau tuio haaveavea. Ua tuuhia te mau paruru i nia i te mau aroaro ia ore ia toetoe i roto i te mau piha i nia ˈtu.

Te haamanina nei te hoê rima tauturu i te pǎpai hou a tapirihia ˈi te vauvau pǎpai. E haere tia ˈtu te huˈa repo i roto i te hoê matini ia ore te reira ia purara haere.

Te faaineine nei e piti rima tauturu i te eˈa ma te tutui i te farii i reira i titôhia ˈi te tima. E tupu mai ïa te aihere i roto e e iti mai te taheraa pape ûa.

Te peni nei e piti rima tauturu i te vahi tamaaraa o te hoê piha.

Te tatarahia ra te mau paˈepaˈe ia hamanihia te mau taupee. I te tau toetoe, e faahaerehia te mataˈi veavea na roto i te mau tuio uteute i ropu i te hohoˈa ia mǎrô oioi te mau vahi timahia e penihia.

Te tatara nei te hoê rima tauturu i te mataˈi i mau i raro aˈe mai i te vauvau pǎpai. Mea ohie ia horoi e e vai maoro atoa te reira. I muri noa mai, te peni nei te tahi atu mau rima tauturu i te pǎpai e te tapiripiri nei i te vauvau na nia iho.

Te amui nei te mau rima tauturu hou a haamata ˈi ta ratou ohipa. E haafaufaa te taeae haapao i te arairaa ati e e faahiti i te mau ohipa atâta e nehenehe e tupu. Te rave nei te mau rima tauturu i te mau hora hau no te tamâ i te mau piha e te mau vahi ati aˈe i te nohoraa F hou te feia noho i reira e tae mai ai.

Te faaoti nei te hoê taiete i te tamaumau i te mau taupee o te nohoraa F. Tera nohoraa to ˈna peni e e tuati atoa te û e te mau rauere ati aˈe. I muri noa mai, te tatarahia ra te paruru hou te mau paˈepaˈe o te nohoraa E.

Te tie nei na hoa faaipoipo i ta raua taihaa i roto i te hoê piha o te nohoraa F tei oti i te mahana na mua ˈtu. Ia noho te mau rima tauturu i roto i te mau piha apî, e iti mai ïa te haamâuˈaraa no te fare tarahu e te faurao. E e itoito atu â te rima tauturu.

I te po, te titôhia ra te tima o te tahua tapearaa pereoo. I muri mai, e itehia te nohoraa B.

Te tâpû nei na hoa faaipoipo i te niaraa o te paˈepaˈe tunuraa maa. E haere tia ˈtu te huˈa repo i roto i te matini ia ore ia puehu. Ma te ohipa i roto roa i te vahi tamaaraa, eita tera mau paˈepaˈe e parari ia tarihia mai te reira.