Amosa 5:1-27
5 “E te nunaa o Iseraela, a faaroo mai i teie parau no nia ia outou ta ˈu e faaite atu nei mai te hoê himene oto:
2 ‘Ua hiˈa te tamahine apî,* o Iseraela, i raro i to ˈna fenua.Aita e haere faahou ra ia ˈna ia tia i nia.
Ua faaruehia oia.Aita hoê no te faatia mai ia ˈna.’
3 “Teie hoi ta te Arii hau ê e Fatu ra o Iehova e parau ra:
‘Te oire o te haere i te tamaˈi e hoê tausani faehau, hoê hanere noa ta ˈna e toe mai.E o te haere e hoê hanere faehau, hoê ahuru noa ta ˈna e toe mai. Tera te tupu no te nunaa o Iseraela.’+
4 “Teie hoi ta Iehova e parau ra i te nunaa o Iseraela:
‘A hoˈi mai ia ˈu nei e a ora noa.+
5 Eiaha e haere i Betela,+Eiaha e haere i Gilagala+ e eiaha e haere i Beere-seba,+E afai-tîtî-hia hoi Gilagala,+E e mou Betela.*
6 A hoˈi mai ia Iehova ra e a ora noa,+Aita anaˈe, e ura oia mai te hoê auahi i nia i te utuafare o Iosepha,E pau Betela ia ˈna e aita hoê no te tupohe ia ˈna.
7 Te taui ra outou i te parau-tia ei raau tupu avaava,*E te faarue ra outou i te parau-tia i raro.+
8 Tei hamani i te pue fetia o Kima e te pue fetia o Kesili,+Tei taui i te poiri rahi ei maramarama o te poipoi,Tei haapoiri i te mahana ia au te reira i te po,+Tei titau i te mau pape o te mitiNo te manii i nia i te fenua nei,+O Iehova to ˈna iˈoa.
9 E faatae oia i te haamouraa i nia i te taata puai,E faatae oia i te haamouraa i nia i te mau pare etaeta.
10 Mea hae na tera mau taata i te feia o te aˈo ra ia ratou i te uputa o te oire,E mea riri na ratou i te feia o te parau i te parau mau.+
11 Te titau ra hoi outou ia aufau te taata riirii i te fenua* ta ˈna e faaapu raE te rave nei outou i ta ˈna huero maa ei ô titauhia,+Eita outou e parahi e a muri noa ˈtu i roto i te mau fare ofai taraihia ta outou i patu.+Eita atoa outou e inu i te uaina no te mau tumu vine maitai roa ta outou i tanu.+
12 Ua ite hoi au i te rahi o ta outou mau orureraa hau*E te rahi o ta outou mau hara,Te haavî nei outou i te taata parau-tia,Te farii ra outou i te petaraa,E i te uputa o te oire, te faaere ra outou i te taata veve i to ˈna mau tiaraa.+
13 E mamû ïa te feia haroˈaroˈa i tera taime,E taime ati hoi tera.+
14 A rave i te mea maitai, eiaha i te mea ino,+Ia ora noa outou.+
Ei ia outou ïa Iehova te Atua o te mau nuu,*Mai ta outou e parau noa ra.+
15 A faufau i te mea ino e a hinaaro i te mea maitai.+Ia upootia te parau-tia i te uputa o te oire.+
Peneiaˈe e faaite Iehova te Atua o te mau nuuI ta ˈna farii maitai i te toea o te utuafare o Iosepha.’+
16 “Teie ïa ta Iehova te Atua o te mau nuu, o Iehova, e parau ra:
‘E auê te faaroohia i te mau mahora atoa,E e parauhia na te mau aroâ atoa: “Auê! Auê!”
E titau ratou i te feia faaapu ia oto ratou,E te feia i tarahuhia no te oto, ia auê ratou.’
17 ‘E auê te faaroohia i roto i te mau faaapu vine atoa.+E na ropu hoi au ia oe i te haere,’ te parau ra Iehova.
18 ‘Ua ati te feia o te tiai ru ra i te mahana o Iehova!+
Eaha ïa no outou te mahana o Iehova?+
E poiri ïa, e ere i te maramarama.+
19 I tera mahana, e riro outou mai te hoê taata o te horo ra no te hoê liona a farerei atu ai i te hoê daba,Ia tomo oia i roto i to ˈna fare a tapea ˈtu ai i te pǎpai, e hohoni te hoê ophi ia ˈna.
20 E poiri te mahana o Iehova, e ere i te maramarama.Mea rumaruma tera mahana, e ere mea maramarama.
21 Mea hae na ˈu, mea vahavaha na ˈu ta outou mau oroa,+E aita vau e au ra i te hauˈa o ta outou mau tairururaa taa ê.
22 Noa ˈtu e pûpû outou i te tusia taauahi e te ô ia ˈu,Eita vau e mauruuru i te reira.+E eita vau e farii i te mau animara haaporiahia ta outou e pûpû ra ei tusia no te hau.+
23 A hopoi ê atu i te maniania o ta outou mau himene.E eiaha vau ia faaroo i te upaupa o ta outou mau kinura.*+
24 Ia tahe te parau-tia mai te pape,+E te afaro mai te hoê tahora e tahe noa, aita e mauraa.
25 E te nunaa o Iseraela, ua hopoi mai anei outou i te tusia e te ô na ˈuI te roaraa o na 40 matahiti i roto i te medebara?+
26 I teie nei, e afai ê atu outou ia Sakuta to outou arii e ia Kiuna,Te mau tii, te fetia o to outou atua, o ta outou i hamani,
27 E e hopoi tîtî au ia outou i te hoê fenua atea ˈtu â ia Damaseko,’+ te na reira mai ra oia no ˈna te iˈoa Iehova te Atua o te mau nuu.”+
Nota i raro i te api
^ Heb: “aita i taoto aˈenei i te tane.”
^ Huri-atoa-hia “e riro Betela ei mea manamana.”
^ Aore ra “ei mea maramara.”
^ Aore ra “tute fenua.”
^ Aore ra “ohipa iino.”
^ Aore ra “sabaota.”
^ Aore ra “upaupa taura.”
