Isaia 65:1-25
65 “Ua vaiiho vau ia imihia vau e te feia aita i tiaoro mai ia ˈu.Ua vaiiho vau ia itehia mai au e te feia aita i imi mai ia ˈu.+
Ua parau vau: ‘Teie au, teie au!’ i te hoê nunaa aita e tiaoro ra i to ˈu iˈoa.+
2 Ua toro noa vau i to ˈu rima i te mahana taatoa i te hoê nunaa etaeta,+I te feia e haere ra na te eˈa e ere i te mea maitai,+A pee ai i to ratou iho mau manaˈo,+
3 I te hoê nunaa e faainoino noa ra ia ˈu i mua i to ˈu aro,+A pûpû ai i te tusia i roto i te mau ô+ e a tutui ai i te tusia ia au auahi i nia i te mau ofai araea.
4 E parahi ratou i rotopu i te mau menema,+E e taoto ratou i te po i te mau vahi huna,*A amu ai i te puaa,+E to roto te pape iˈo animara faufau* i ta ratou mau auˈa.+
5 E parau ratou: ‘A faaea noa i reira. Eiaha e tapiri mai ia ˈu,Mea moˈa aˈe hoi au ia oe.’*
E au auahi ratou i roto i to ˈu apoo ihu, e auahi o te ama noa i te mahana taatoa.
6 Inaha, ua papaihia i mua ia ˈu.Eita vau e faaea noa,E faautua râ vau ia ratou,+E faautua vau ia ratou no te mau mea atoa,*
7 No ta ratou mau hape e no te mau hape a to ratou atoa mau tupuna,”+ te parau ra Iehova.
“No te mea ua tutui ratou i te tusia ia au auahi i nia i te mau mouˈaE ua faaino ratou ia ˈu i nia i te mau aivi,+E faautua na mua vau ia ratou no ta ratou mau ohipa ino atoa.”*
8 Teie ta Iehova e parau ra:
“Mai te uaina apî ia itehia i roto i te tahi peenave vineE e parau te tahi: ‘Eiaha e faaore i te reira, te vai ra hoi te mea maitai* i roto,’
E na reira atoa vau no ta ˈu mau tavini.Eita vau e haamou ia ratou pauroa.+
9 E faatupu vau no roto mai ia Iakoba i te huaaiE no roto mai ia Iuda i te tahi o te fatu i to ˈu mau mouˈa.+E fatu to ˈu feia maitihia i te reira,E e parahi ta ˈu mau tavini i reira.+
10 E riro Sarona+ ei vahi e amu ai te mau mamoe i te aihereE te peho o Akora+ ei vahi e faafaaea ˈi te nǎnǎ puaatoro,No to ˈu nunaa e imi ra ia ˈu.
11 To rotopu râ outou i te feia e faarue ra ia Iehova,+Te feia e haamoˈe ra i to ˈu mouˈa moˈa,+Te feia e faanaho ra i te tahi amuraa maa no te atua o te Manuïa,E te feia e faaî ra i te mau hapaina i te uaina anoihia no te atua o te Oraraa faataahia.
12 No reira, e faataa vau ia outou no te ˈoˈe,+E e tuturi outou pauroa ia haapohehia outou,+No te mea ua pii au, aita râ outou i pahono,Ua paraparau vau, aita râ outou i faaroo mai.+Ua rave noa outou i te mea ino i to ˈu aro,E ua maiti outou i ta ˈu e au ore.”+
13 No reira, teie ta te Arii hau ê e Fatu ra o Iehova e parau ra:
“Inaha, e tamaa ta ˈu mau tavini, e faaruru râ outou i te poia.+
Inaha, e inu ta ˈu mau tavini,+ e faaruru râ outou i te poihâ.
Inaha, e oaoa ta ˈu mau tavini,+ e faaruru râ outou i te haama.+
14 Inaha, e umere ta ˈu mau tavini no te huru maitai o to ratou aau,E taˈi râ outou no te mauiui aauE e auê outou no te aau* hepohepo.
15 E vaiiho mai outou i te hoê iˈoa ta to ˈu feia maitihia e faahiti no te faaino atu,E e haapohe te Arii hau ê e Fatu ra o Iehova ia outou tataitahi,Area ta ˈna mau tavini, e pii oia ia ratou i te iˈoa ê.+
16 O te taata atoa ïa e imi i te tahi haamaitairaa no ratou i nia i te fenua neiTe haamaitaihia e te Atua parau mau,*E te taata atoa e horeo i te fenua nei,E horeo ratou i te ora o te Atua parau mau.*+
E moˈe hoi i te taata te ahoaho* no mutaa iho.E hunahia te reira i to ˈu mata.+
17 Inaha hoi, te poiete nei au i te raˈi apî e te fenua apî.+E eita to mutaa iho ra mau mea e haamanaˈohia,Eita atoa te reira e faahoruhoru i to ratou aau.+
18 A popou ïa e a oaoa e a muri noa ˈtu no ta ˈu e poiete nei.
Inaha hoi, te poiete nei au ia Ierusalema ia riro ei oaoaraaE to ˈna mau taata ei popouraa.+
19 E oaoa vau ia Ierusalema e e popou vau i to ˈu nunaa.+E ore e faaroo-faahou-hia i ǒ ˈna te oto e te tuô no te ahoaho.”+
20 “Aita faahou e aiû no taua vahi ra e ora tau mahana noa,Aita atoa e ruhiruhia e pohe na mua ˈˈe e tia roa ˈi to ˈna mau mahana.
E parauhia hoi e tamarii te taata atoa e pohe i te 100raa o to ratou matahiti,E e vai noa te ino i nia i te taata rave hara, noa ˈtu 100 matahiti to ˈna.*
21 E hamani ratou i te fare e e ora ratou i roto.+E tanu ratou i te vine e e amu ratou i te hotu.+
22 Eita ratou e hamani i te fare ia parahi te tahi atu i roto,Eita atoa ratou e tanu ia amu vetahi ê i te hotu.
E riro hoi te mau mahana o to ˈu nunaa mai te mau mahana o te hoê tumu raau,+E e faufaa-roa-hia to ˈu feia maitihia i te ohipa a to ratou rima.
23 Eita ratou e rohi faufaa ore noa,+Eita atoa ratou e fanau i te tamarii a hepohepo atu ai,O ratou hoi e ta ratou mau tamarii+ te huaai,Oia hoi te feia haamaitaihia e Iehova.+
24 Na mua ˈˈe atoa ratou e pii mai ai, e pahono vau.Te paraparau noa ra ratou, e faatupu vau.
25 Te luko raua te fanauˈa mamoe te amu i te aihere,E amu te liona i te huˈahuˈa sitona mai te puaatoro,+E e repo te maa a te ophi.
Eita ratou e hamani ino e e vavahi na to ˈu mouˈa moˈa atoa,”+ te parau ra Iehova.
Nota i raro i te api
^ Huri-atoa-hia “i raro aˈe i te mau tamaru tamoemoeraa.”
^ Aore ra “viivii.”
^ Huri-atoa-hia “E peehia hoi oe i to ˈu moˈaraa.”
^ Heb: “E faito vau i ta ratou i nia i to ratou ouma.”
^ Heb: “E faito na mua vau i ta ratou aufauraa i nia i to ratou ouma.”
^ Heb: “te tahi haamaitairaa.”
^ Aore ra “haapao maitai.” Heb: “Amene.”
^ Aore ra “haapao maitai.” Heb: “Amene.”
^ Aore ra “te mau fifi.”
^ Huri-atoa-hia “E e parauhia e taata faainohia te taata aita i raea ia ˈna 100 matahiti.”
