Isaia 8:1-22
8 Parau maira Iehova ia ˈu: “A rave mai i te tahi iri papairaa rahi+ e a papai i nia iho i te tahi penitara: ‘Mahera-salala-hasa-baza.’*
2 E e titau vau i te ite haapao maitai no te papai* e ua ite raua i te papairaahia te reira, o Uria+ te tahuˈa raua Zekaria te tamaiti a Ieberekia.”
3 Taoto* ihora vau i te peropheta vahine,* hapû maira oia e fanau maira i te tahi tamaiti.+ Parau maira Iehova ia ˈu: “A topa ia ˈna i te iˈoa o Mahera-salala-hasa-baza,
4 no te mea hou te tamaroa a ite ai i te pii ‘papa!’ e ‘mama!,’ e hopoi-ê-hia te mau faufaa a Damaseko e ta Samaria mau taoˈa haruhia i mua i te arii o Asura.”+
5 Parau faahou maira Iehova ia ˈu:
6 “No te mea ua faarue teie nunaa i te taheraa pape mǎrû o Siloa+E te oaoa ra ratou ia Rezina e te tamaiti a Remalia,+
7 Inaha, e hopoi mai Iehova i nia ia ratouI te mau pape rahi uˈana o te Anavai,*O te arii o Asura+ e to ˈna hanahana taatoa.
E vaipue te reira na to ˈna mau taheraa pape atoa,E poˈi to ˈna mau hiti atoa
8 A farara ˈtu ai i nia ia Iuda.
E vaipue roa oia e e na roto atu ia Iuda a raea roa ˈi te aˈî.+E poˈi te aanoraa o to oe fenua i to ˈna na pererau hohorahia,E Imanuela!”*+
9 A hamani ino, e te mau nunaa, e vavahihia râ outou.
A faaroo, outou pauroa to te mau vahi atea o te fenua!
A faaineine ia outou no te aroraa,* e vavahihia râ outou!+
A faaineine ia outou no te aroraa, e vavahihia râ outou!
10 A feruri i te tahi opuaraa, e faahapehia râ!
A parau i ta outou e hinaaro e parau, eita râ e tupu,Tei ia matou ra hoi te Atua!*+
11 Ma to ˈna rima puai i nia ia ˈu, teie ta Iehova i parau ia ˈu ia ore au ia pee i te haerea o teie nunaa:
12 “Eiaha outou e parau e opuaraa ino ta teie nunaa e parau ra e opuaraa ino!
Eiaha e mǎtaˈu i ta ratou e mǎtaˈu,Eiaha e rûrû no te reira.
13 O Iehova o te mau nuu* ta outou e hiˈo ei mea moˈa,+O ˈna ta outou e mǎtaˈu,E no ˈna e rûrû ai outou.”+
14 E riro oia mai te tahi nao,*E mai te tahi atoa ofai toteraa,E mai te tahi mato turoriraa+No na faatereraa arii e piti a Iseraela,Ei herepata e ei mareiNo tei parahi ra i Ierusalema.
15 E rave rahi o ratou te turori, te topa e te fatifati.E mau ratou i te herepata a haruhia ˈtu ai.
16 A otaro i te haapapuraa papaihia.*A titiro i te ture* i rotopu i ta ˈu mau pǐpǐ!
17 E tiai au* ia Iehova,+ o te fariu ê ra i to ˈna aro i te huaai o Iakoba,+ e e tiaturi au ia ˈna.
18 Inaha, o vau e te mau tamarii ta Iehova i horoa na ˈu,+ mai te tapao+ e te semeio matou i Iseraela no ǒ mai ia Iehova o te mau nuu, o te parahi ra i te mouˈa Ziona.
19 E ia parauhia mai outou: “A uiui i te feia e demoni hiˈohiˈo to ratou aore ra i te feia hiˈohiˈo o te mutamuta e te ohumu,” eita anei te tahi nunaa e uiui i to ratou Atua? Ia uiui anei ratou i te feia pohe no te feia ora?+
20 O te ture râ e te haapapuraa papaihia* ta ratou e maimi!
Ia ore tei parauhia ia tuea i taua parau ra, aita ïa e maramarama.*+
21 E haere te taata tataitahi na te fenua ma te oto e te poia.+ E no te poia e te mauruuru ore, e faaino oia i to ˈna arii e to ˈna Atua a hiˈo ai i nia.
22 I reira oia e hiˈo ai i te fenua e o te ahoaho noa e te poiri ta ˈna e ite, te poiri e te mau taime fifi, te rumaruma e te maramarama ore.
Nota i raro i te api
^ “Haere-ru-raa ˈtu i te mau taoˈa haruhia,” “Haere-oioi-raa ˈtu i te haruraa taoˈa” paha te auraa.
^ Aore ra “haapapu.”
^ Heb: “Tapiri.”
^ Oia hoi te vahine faaipoipo a Isaia.
^ Oia hoi Eupharate.
^ Aore ra “A hatua i to outou tauupu.”
^ Aore ra “sabaota.”
^ Aore ra “parau haapapuraa.”
^ Aore ra “haapiiraa.”
^ Aore ra “tiai ru vau.”
^ Aore ra “parau haapapuraa.”
^ Heb: “aahiata.”
