Salamo 146:1-10
146 Ia aruehia Ia!*+
Ia arue au ia Iehova!+
2 E arue au ia Iehova i te roaraa o to ˈu oraraa.
E himene au i te arueraa i* to ˈu Atua a ora noa ˈi au.
3 Eiaha outou e tiaturi i te huiarii*E i te tamaiti a te taata nei, o te ore e nehenehe e faaora.+
4 Ia mau to ˈna aho, e hoˈi oia i te repo.+I tera mahana e moˈe ai to ˈna mau manaˈo.+
5 E oaoa te taata o te Atua o Iakoba to ˈna tauturu,+Te taata o te tiaturi ra i to ˈna Atua ra o Iehova,+
6 Tei hamani i te raˈi e te fenua,Te miti e pauroa to reira,+Tei ore roa e taiva,+
7 Tei paruru i te feia i tavirihia,Tei horoa i te faraoa na te feia e poia ra.+
Te faatiamâ ra Iehova i tei tapeahia.*+
8 Te faaaraara ra Iehova i te mata o te matapo.+Te faatia ra Iehova i tei roohia i te ati.+Mea here na Iehova i te feia parau-tia.
9 Te paruru ra Iehova i te feia ěê.Te tauturu ra oia i te tamarii aita e metua tane e te vahine ivi,+Te faahape nei râ oia i te mau opuaraa a te feia ino.*+
10 Ei Arii Iehova e a muri noa ˈtu,+To Atua, e Ziona e, e hope noa ˈtu te mau uˈi atoa.
Ia aruehia Ia!*
Nota i raro i te api
^ Aore ra “Haleluia!” E haapotoraa “Ia” o te iˈoa Iehova.
^ Aore ra “hauti au i te upaupa no.”
^ Aore ra “huimana.”
^ Heb: “taamuhia.”
^ Aore ra “Te faatioioi nei râ oia i te eˈa o te feia ino.”
^ Aore ra “Haleluia!” E haapotoraa “Ia” o te iˈoa Iehova.
