Salamo 41:1-13
Na te aratai o te feia himene. Salamo a Davida.
41 E oaoa te taata o te faaite i te aumihi i te taata haihai.+E faaora Iehova ia ˈna i te mahana ahoaho.
2 E tiai e e faaora Iehova ia ˈna.
E parauhia e mea oaoa oia i te fenua nei.+Eita roa oe e tuu ia ˈna i te hinaaro o to ˈna mau enemi.+
3 Eita Iehova e faarue ia ˈna i nia i to ˈna roˈi a maˈihia ˈi oia.+E taui roa oe i to ˈna roˈi i te roaraa o to ˈna maˈi.
4 Ua parau hoi au: “E Iehova, a faaite mai i to farii maitai.+
A faaora ia ˈu,+ ua hara hoi au ia oe.”+
5 Te parau nei râ to ˈu mau enemi i te mea ino no nia ia ˈu a na ô ai:
“Afea oia e pohe ai, a mou atu ai to ˈna iˈoa?”
6 Ia haere mai hoê o ratou e hiˈo ia ˈu, e paraparau to ˈna aau ma te haavare.
E imi oia i te tahi parau no te haamauiui ia ˈuE e haere oia e haaparare i te reira.
7 Te omuhumuhu ra te feia e hae ra ia ˈu te tahi i te tahi.Te opua ra ratou i te tahi mea ino i nia ia ˈu:
8 “Ua roohia oia e te tahi mea riaria roa.I teie nei e tei raro oia, eita oia e tia faahou mai.”+
9 Oia atoa te taata mea hau mâua, tei tiaturihia e au,+Tei amu noa na i ta ˈu faraoa, ua amo ïa i to ˈna poro avae i nia e taahi mai ia ˈu.*+
10 O oe râ e Iehova, a faaite mai i to farii maitai e a faatia mai ia ˈu,Ia faahoˈi atu vau i ta ratou.
11 O te mea teie e ite ai au e mea here na oe ia ˈu:
Ia ore to ˈu enemi ia upootia faahou i nia ia ˈu.+
12 O vau râ, te turu nei oe ia ˈu no to ˈu hapa ore.+E tapea oe ia ˈu i mua ia oe e a muri noa ˈtu.+
13 Ia aruehia Iehova, te Atua o Iseraela,E a muri noa ˈtu.+
Amene e Amene.
Nota i raro i te api
^ Aore ra “ua patoi mai ïa ia ˈu.”
