Salamo 55:1-23
Na te aratai o te feia himene, ia apeehia i te upaupa taura. Masekila* a Davida.
55 A faaroo i ta ˈu pure, e te Atua e,+E a fariu mai i to tariˈa ia taparu vau i to aroha hamani maitai.*+
2 A haapao mai ia ˈu e a pahono mai.+
No to ˈu haapeapearaa, te ahoaho nei au,+E te hepohepo nei au
3 No ta te enemi e parau raE te haavîraa a te feia ino.
Te faatae mai ra hoi ratou i te ati i nia ia ˈu,E ma te riri, te tapea ra ratou i te inoino rahi ia ˈu.+
4 Te horuhoru nei to ˈu aau i roto ia ˈu,+E ua roohia vau i te mǎtaˈu o te pohe.+
5 Te taiâ e te rûrû nei au,Ua hotaratara roa vau.
6 Te parau noa ra vau: “Ahani to ˈu e pererau mai to te uupa!
E maue au a parahi atu ai ma te ati ore.
7 Inaha, e maue au i te atea roa.+
E parahi au i roto i te medebara.+ (Sela)
8 E tapapa vau i te hoê vahi haapuraaI te mataˈi e farara nei e te vero.”
9 A faarapu ia ratou, e Iehova, e a haafifi i ta ratou mau opuaraa,*+Ua ite hoi au i te haavîraa uˈana e te aimârô i roto i te oire.
10 I te po e te ao, te haere ra ratou na nia i to ˈna aua.Te vai ra te ohipa piˈo e te ati i roto ia ˈna.+
11 E haamouraa to roto ia ˈna.Eita roa te haavîraa e te haavare e atea ê i to ˈna mahora.+
12 Ahani hoi e enemi tera e faaooo ra ia ˈu,+E tia ïa ia ˈu ia faaoromai i te reira.
Ahani e enemi tera i tia mai no te patoi ia ˈu,E tia ïa ia ˈu ia tapuni.
13 O oe râ taua taata ra, hoê mai ia ˈu,+To ˈu iho hoa ta ˈu i matau maitai.+
14 E auhoaraa au maitai to tâua.I haere noa na tâua e te nahoa i roto i te fare o te Atua.
15 Ia roohia ratou i te haamouraa!+
Ia pou oraora noa ratou i roto i te Apoo.*Tei rotopu hoi ia ratou te ino i te parahiraa e tei roto te reira ia ratou.
16 O vau râ, e tiaoro vau i te Atua,E e faaora mai Iehova ia ˈu.+
17 I te ahiahi, te poipoi e te avatea, e horuhoru e e autâ vau,+E e faaroo mai oia i to ˈu reo.+
18 E faaora* oia ia ˈu a horoa mai ai i te hau i mua i te feia e aro mai ra ia ˈu,E nahoa hoi tera e patoi ra ia ˈu.+
19 E faaroo te Atua a pahono atu ai ia ratou,+O ˈna o te parahi ra i nia i to ˈna terono mai tahito mai â.+ (Sela)
Te feia o tei ore i mǎtaˈu i te Atua,+Eita ratou e farii e taui.
20 Ua patoi oia* i tei faaea hau noa ra e o ˈna.+Ua ofati oia i ta ˈna faufaa.+
21 Mea aminamina aˈe ta ˈna mau parau i te pata,+E aimârô râ to roto i to ˈna aau.
Mea mǎrû aˈe ta ˈna mau parau i te monoˈi,E au râ i te ˈoˈe i rapae i te vehî.+
22 A huri i ta oe hopoia i nia ia Iehova,+E na ˈna e tauturu ia oe.+
Eita roa oia e vaiiho ia marua* te taata parau-tia.+
23 O oe râ, e te Atua, e haapou oe ia ratou i roto i te apoo hohonu roa ˈˈe.+
Eita te feia haapohe taata e te haavare e tapae i te afaraa o to ratou mau mahana.+
O vau râ, e tiaturi au ia oe.
Nota i raro i te api
^ Aore ra “eiaha e tapuni ia ani au i te tauturu.”
^ Heb: “faaamahamaha i to ratou arero.”
^ Heb: “hoo mai.”
^ Oia hoi te hoa i te irava 13 e 14.
^ Aore ra “peretete.”
