Salamo 74:1-23
Masekila* a Asapha.+
74 E te Atua, eaha oe i patoi ai ia matou e a muri noa ˈtu?+
Eaha to oe riri e ama ˈi* i nia i te nǎnǎ o ta oe mau vahi aihere?+
2 A haamanaˈo i te nunaa* tei noaa mai ia oe i mutaa ihora,+Te opu ta oe i hoo mai ei tuhaa tutuuhia na oe.+
A haamanaˈo i te mouˈa Ziona, tei parahihia e oe.+
3 A fariu i to avae i te mau vahi ra o tei faaanohia.+
Ua tuino te enemi i te mau mea atoa i roto i te vahi moˈa.+
4 Te uuru nei to oe mau enemi i roto i to oe vahi putuputuraa.*+
Ua tuu ratou i reira i to ratou iho mau reva ei tapao.
5 E au ratou i te tane o te faaohipa haere ra i te opahi i roto i te hoê uru raau.
6 Ua tuino ratou i to ˈna mau nanaˈoraa atoa+ i te opahi e te teˈa auri.
7 Ua tutui ratou i ta oe nao.*+
Ua haaviivii e ua huri ratou i te sekene o te amo ra i to iˈoa i raro.
8 Ua parau ratou e to ratou huaai i roto i to ratou aau:
“Ia tutuihia te mau vahi putuputuraa atoa o te Atua* i teie fenua.”
9 Aita matou e ite ra i te tapao no matou.Aita e peropheta faahou,E aita hoê i rotopu ia matou i ite i te maororaa o teie tupuraa.
10 E te Atua e, ehia â maororaa te enemi e faaino ai ia oe?+
E tamau noa anei te enemi i te ore e faatura i to iˈoa?+
11 Eaha oe e tapea ˈi i to rima, to rima atau?+
A tatara mai i to rima mai nia mai i to ouma e a haamou ia ratou.
12 O te Atua râ to ˈu Arii mai tahito mai â,Tei rave i te ohipa faaoraraa i te fenua nei.+
13 Ua faaarepurepu oe i te miti i to oe ra puai.+Ua vavahi oe i te afii o te mau animara rarahi o te miti.
14 Ua faahuˈahuˈa oe i te mau afii o Leviatana.*Ua horoa oe i te reira ei maa na te nunaa, na te feia e ora ra i roto i te medebara.
15 Ua hamani oe i te tahi taheraa no te mau pape pihaa e te mau anavai iti.+Ua haamǎrô oe i te mau tahora no tahito mai â.+
16 Na oe te ao e te po atoa.
Ua hamani oe i te maramarama* e te mahana.+
17 Na oe i faatia i te mau otia atoa o te fenua nei.+Ua poiete oe i te tau veavea e te tau toˈetoˈe.+
18 A haamanaˈo i te faaino a te enemi, e Iehova,A haamanaˈo e te faatura ore ra te hoê nunaa maamaa i to iˈoa.+
19 Eiaha e tuu i te ora o ta oe uuairao i te mau animara oviri ra.
Eiaha e haamoˈe roa i te ora o to nunaa o tei roohia i te ati.
20 A haamanaˈo i te faufaa,Ua riro hoi te mau vahi poiri o te fenua nei ei tapuniraa no te feia hamani ino.
21 Eiaha te taata tei taataahihia ia hoˈi ma te faahaamahia.+Ia arue te taata haihai e te taata veve i to iˈoa.+
22 E te Atua e, a tia i nia e a faatupu i te parau-tia no oe iho.
A haamanaˈo e nafea te feia maamaa e faaino ai ia oe i te mahana taatoa.+
23 Eiaha e haamoˈe i ta to oe mau enemi e parau ra.
Te haere noa ˈtu ra te arepurepuraa a te feia e aˈa ra ia oe i te rahiraa.
Nota i raro i te api
^ Heb: “au auahi ai.”
^ Heb: “ta oe amuiraa.”
^ Aore ra “to oe vahi tairururaa.”
^ Aore ra “te mau vahi atoa e haamorihia ˈi te Atua.”
^ Aore ra “tiarama.”
