Salamo 90:1-17
Pure a Mose, te taata o te Atua mau.+
90 E Iehova, ua riro oe ei nohoraa*+ no matou e hope noa ˈtu te mau uˈi atoa.
2 Hou te mau mouˈa i fanauhia ˈiAore ra hou oe i hamani ai i te fenua, oia, te fenua ruperupe,+Mai tahito mai â e a muri noa ˈtu, o oe te Atua.+
3 Te faahoˈi nei oe i te taata i te repo ra.Te parau nei oe: “A hoˈi i te repo ra, e te mau tamaiti a te taata na.”+
4 I to mata, e au hoi hoê tausani matahiti i inanahi ra ia mahemo,+Mai te hoê tiairaa i te po.
5 Te hopoi ê ra oe ia ratou,+ a riro atu ai ratou mai te hoê taotoraa.I te poipoi, e au ratou i te aihere e tupu ra.+
6 I te poipoi, e uaa te reira a ruperupe roa ˈtu ai,I te ahiahi râ, e maemae te reira a mǎrô atu ai.+
7 Te pau nei hoi matou i to oe riri ra+E te mǎtaˈu nei matou no to oe riri rahi.
8 Te tuu nei oe i ta matou mau hapa i mua ia oe.*+I te maramarama o to aro, te faaitehia ra ta matou mau ohipa i hunahia.+
9 Te iti noa ˈtu ra to matou mau mahana no to oe riri rahi.E te hope nei to matou mau matahiti mai te hoê muhumuhu.
10 E 70 matahiti te roa o to matou oraraa,Aore ra 80+ mai te peu e mea pautuutu maitai.
Ua î râ te reira i te fifi e te oto.E reva vave te reira e e maue ê matou.+
11 O vai te nehenehe e fafa i te uˈana o to oe riri?
Te aifaito ra te rahi o to oe riri i te mǎtaˈu e au ia oe.+
12 A haapii mai ia matou ia taio i to matou mau mahana+Ia noaa ia matou te hoê aau paari.
13 A hoˈi mai, e Iehova!+ Eaha â te maororaa o teie tupuraa?+
A aroha i to mau tavini.+
14 I te poipoi, a haamâha ia matou i to here taiva ore,+Ia umere matou a oaoa roa ˈi+ i to matou mau mahana atoa.
15 A faaoaoa ia matou e ia aifaito i te mau mahana i ati ai matou ia oe,+Ia aifaito i te mau matahiti i roohia ˈi matou i te ati.+
16 Ia ite to mau tavini i ta oe ohipa,E ia ite ta ratou mau tamaiti i to mana rahi.+
17 Ei nia ia matou te farii maitai a Iehova to matou Atua.Ia haamaitai* oe i te ohipa a to matou rima.
Oia, a haamaitai* i te ohipa a to matou rima.+
Nota i raro i te api
^ Huri-atoa-hia “haapuraa.”
^ Aore ra “Ua ite oe i ta matou mau hapa.”
^ Aore ra “haamau papu.”
^ Aore ra “haamau papu.”
