UIRAA 10
Eaha ta te Bibilia e fafau ra no a muri aˈe?
“E fatu te feia parau-tia i te fenua, e e parahi ratou i nia iho e a muri noa ˈtu.”
“E vai noa râ te fenua e a muri noa ˈtu.”
“E horomii oia i te pohe e a muri noa ˈtu, e e tamǎrô te Arii hau ê e Fatu ra o Iehova i te roimata o to ratou mau mata atoa.”
“I taua tau ra, e araara te mata o te matapo, e e faaroo te tariˈa o te tariˈa turi. I taua tau ra, e ouˈauˈa te pirioi mai te aili, e e umere te vaha o te vava. E pihaa hoi te mau pape i te medebara, e te mau tahora i te vahi papu pâpâmǎrô.”
“E tamǎrô oia i te mau roimata atoa o to ratou mata. E ore roa te pohe, e ore atoa te oto e te auê e te mauiui. Ua mou hoi te mau mea tahito.”
“E hamani ratou i te fare e e ora ratou i roto. E tanu ratou i te vine e e amu ratou i te hotu. Eita ratou e hamani i te fare ia parahi te tahi atu i roto, eita atoa ratou e tanu ia amu vetahi ê i te hotu. E riro hoi te mau mahana o to ˈu nunaa mai te mau mahana o te hoê tumu raau, e e faufaa-roa-hia to ˈu feia maitihia i te ohipa a to ratou rima.”
