Te pahono ra te Bibilia
E nehenehe anei e maramarama i te Bibilia?
E Parau a te Atua te Bibilia. E au te reira i te hoê rata a te hoê metua tane î i te here. (Timoteo 2, 3:16) I roto i te Bibilia te Atua e faataa ˈi e nafea ia faaoaoa ia ˈna, no te aha oia e vaiiho noa ˈi i te ino, e eaha ta ˈna e rave no te huitaata a muri aˈe. Ua taviri râ te mau aratai haapaoraa i ta te Bibilia e haapii ra. Ei faahopearaa, e rave rahi te manaˈo nei e eita ta ratou e nehenehe e maramarama i te reira.—Ohipa 20:29, 30.
Te hinaaro ra te Atua ra o Iehova ia ite tatou i te parau mau no nia ia ˈna. Ua horoa mai ïa oia i te hoê buka ta tatou e nehenehe e maramarama.—A taio i te Timoteo 1, 2:3, 4.
E nafea oe e maramarama ˈi i te Bibilia?
Hau atu i te horoaraa mai i te Bibilia, ua tono Iehova ia Iesu no te haapii mai e nafea ia maramarama i te reira. (Luka 4:16-21) Ma te faahiti i te mau irava, ua tauturu Iesu i te taata ia taa i te mau Papai.—A taio i te Luka 24:27, 32, 45.
Ua haamau Iesu i te amuiraa Kerisetiano no te faahope i te ohipa ta ˈna i haamata. (Mataio 28:19, 20) Te tauturu nei te mau pǐpǐ mau a Iesu i te taata ia taa i ta te Bibilia e haapii ra no nia i te Atua. Ia hinaaro oe e maramarama i te reira, e oaoa te mau Ite no Iehova i te tauturu atu.—A taio i te Ohipa 8:30, 31.
E au atoa outou . . .
NO NIA IA MATOU
A ani i te hoê farereiraa
Aparauraa no nia i te Bibilia aore ra no te ite atu â no nia i te mau Ite no Iehova.
TE PAHONO RA TE BIBILIA
Eaha te titauhia ia outou no te taa i te Bibilia?
E nehenehe outou e ite i teie poroi faahiahia.
NO NIA IA MATOU
No te aha e haapii ai i te Bibilia?
E horoa te Bibilia i te mau pahonoraa i te mau uiraa faufaa o te oraraa i te mau mirioni taata na te ao nei. E hinaaro anei oe e ite i tera mau pahonoraa?
