TUMU PARAU MATAMUA | MEA MAU ANEI SATANI?
Mea mau anei Satani?
Hohoˈa hamanihia i Madrid, Paniora, e faaite ra ia Satani mai te tahi melahi ino i tiavaruhia mai te raˈi mai
“Ua paari au i Salvador. Ia ore au e faaroo, e parau mai to ˈu mama, ‘E haere mai te Diabolo e haru ia oe!’ E pahono vau, ‘A vaiiho ia ˈna ia haere mai!’ I tiaturi na vau te vai mau ra te Atua, eiaha râ Satani.”—ROGELIO.
Te manaˈo atoa ra anei oe mai ia Rogelio? No oe, eaha te mea tano ia parau?
-
E ere Satani i te mea mau e e parau noa tera no te faataa i te ino.
-
Mea mau Satani, aita râ o ˈna e tâuˈa ra i te taata.
-
E melahi puai Satani e e mana rahi to ˈna i nia i te huitaata.
Te vai ra iho â te feia e tiaturi hoê o na manaˈo e peneiaˈe e mirioni ratou. Mea faufaa anei râ ia ite teihea te manaˈo tano? Mai te peu e ere Satani i te mea mau, te hape nei te feia e tiaturi ra te vai mau ra oia. Mai te peu mea mau Satani, aita râ e tâuˈa ra i te taata, mea faufaa ore ia haapao maitai aore ra ia mǎtaˈu ia ˈna. Mai te peu râ e melahi haavarevare Satani, mea ino atu â ïa o ˈna i ta te rahiraa e manaˈo ra.
E hiˈopoa anaˈe e nafea te mau Papai moˈa ia pahono i to muri nei mau uiraa: Satani, e parau noa anei no te faataa i te ino? Aore ra e melahi mau oia. Mai te peu mea mau Satani, e nehenehe anei o ˈna e haafifi ia oe? Eaha ïa te rave no te paruru ia oe?
