Хай-халаптар: муңгагдалдан идегелче

«Сөөлгү хүннерде аар-берге үе чедип кээрин билип ал» (2 ТИМОФЕЙГЕ 3:1).

СИЛЕР дараазында бижээн хай-халаптарның дугайында дыңнаан азы боттарыңар көрген чадавас силер.

● Хенертен нептерей берген өлүмнүг аарыгның хайындан дыка хөй улус чуртталгазындан чарылган.

● Чүс-чүс кижилер аш-чуттан хораан.

● Күштүг чер шимчээшкиннериниң уржуундан муң-муң кижилер өлген база дыка хөй кижилер чурттаар оран-сава чок калган.

Бо дептерниң киирилде статьяларында коргунчуг болуушкуннарның дугайында муңгаранчыг фактыларны бижээн. Библиядан алырга, шак ол болуушкуннар «сөөлгү хүннер» деп адаттырган үеде болур.

Бо статьяларның сорулгазы — бергелер-биле долган делегейде чурттап турар бис деп силерни бүзүредири эвес-тир. Силер ону боттарыңар-ла көрүп турар болгай силер. Харын-даа бо статьялар силерге идегелди бээр. Бо статьяларга сөөлгү хүннерниң төнчүзү келген деп бадыткап турар алды библейжи өттүр билген медеглелдиң күүсеттинип турарын сайгарар. Ол ышкаш чамдык улустуң аңаа удур саналдарын база бижээн. Оон аңгыда кайгамчык келир үеге чүге идегеп болурун тайылбырлаан.