4. Ынакшылдың чедишпези

«Ынакшыыр... сеткили чок» (2 ТИМОФЕЙГЕ 3:1—3).

● Крис Уэльс деп черниң соңгу чүгүнде өг-бүлезинде күчүлелден когараан улуска дуза чедирер албан черинде ажылдап турар. Ол мынча деп үлешкен: «Ооң мурнунда кээп турган херээжен кижини танывайн барган мен. Ону кижи таныыр аргажок кылдыр эттеп каан болган. Чамдык херээжен улустарның сагыш-сеткилинге кедергей аар балыгларны чедиргенинден олар өске улустуң мурнунга көстүрүнден безин ыядыр апаар».

ФАКТЫЛАР ЧҮНҮ ЧУГААЛАП ТУРАР? Африкада бир чуртта үш дугаар кыс кижи бүрүзү-ле бичии тургаш күчүлел-күштээшкинге таваржып турган. Ол-ла чурттуң чурттакчыларындан айтырарга үш дугаар эр кижи бүрүзү-ле кадайын эттээр чорукту анаа чүүл деп санап турар. Өг-бүледе күчүлелден чүгле херээжен улус хилинчектенмейн чоруур. Чижээ, Канадада 30 хуу эр улусту кадайлары каржы аажылап турар.

УДУР САНАЛ. Өг-бүле иштинге күчүлел кезээде турган. Эрткен үелерге бодаарга, сөөлгү он-он чылдарда аңаа дыка хөй кичээнгейни салыр апарган.

ШЫНАП-ЛА ЫНДЫГ БЕ? Ийе, бо байдалдың дугайында хөйнү чугаалаар апарган. Ынчалза-даа ол дээш өг-бүледе күчүлел эвээжээн деп бе? Чок. Өг-бүлелерде ынакшылдың чедишпези кажангызындан-даа артык илдең апарган.

ЧҮҮ ДЕП БОДААР СИЛЕР? 2 Тимофейге 3:1—3-те бижээн сөстер күүсеттинип турар бе? Дыка хөй өг-бүлелерде ынакшылдың чогун эскерер-дир силер бе?

Дараазында беш дугаар күүсеттинип турар өттүр билген медеглел бистиң чурттап турар Черивиске хамааржыр. Библияда ооң дугайында чүү дээнин көрүптээлиңер.

[Киирилде немелде]

«Өг-бүледе күчүлелдиң дугайында дамчыткан саннарны эвээжедип каан деп санап турар. Херээжен улус ортумаа-биле 35 катап күчүлелге таварышкан соонда полицияже барып турар» (ӨГ-БҮЛЕЗИНДЕ КҮЧҮЛЕЛДЕН КОГАРААН УЛУСКА ДУЗА ЧЕДИРЕР УЭЛЬСТИҢ АЛБАН ЧЕРИНИҢ ТӨЛЭЭЗИ).