6. Бүдүн чер-делегейге суртаал ажылы
6. Бүдүн чер-делегейге суртаал ажылы
«Дээрниң Чагыргазының дугайында бо Буянныг Медээни бүгү делегейге... медеглээн турар» (МАТФЕЙ 24:14).
● Ваиатея Оожум океанда Туамоту ортулуктарының бирээзинде чурттап турар. 78 коралл ортулуктарлыг, 810 000 квадрат километр хемчээлдиг Туамоту архипелагында чүгле 16 000 кижи чурттап турар. Ынчалза-даа Ваиатея болгаш ооң кожалары Иегованың Херечилери-биле таныш. Ол чүүл кайгамчык эвес, чүге дизе Иегованың Херечилери Бурганның Буянныг Медээзин кижи бүрүзүнге, кайда-даа чурттап турар улуска дамчыдарын кызып чоруур.
ФАКТЫЛАР ЧҮНҮ ЧУГААЛАП ТУРАР? Бурганның Чагыргазының дугайында Буянныг Медээ Черниң шупту булуңнарында чеде берген. Иегованың Херечилери чүгле 2010 чылда 236 чурттар болгаш девискээрлерге суртаалдаар дээш 1,6 миллиард шакты үндүрген. А ол дээрге суртаалчы бүрүзүнүң ортумаа-биле бир хүнде-ле 30 минута суртаалдаанынга дең. Он-он чылдар дургузунда Иегованың Херечилери 20 миллиард ажыг ном-дептерлерни үндүргеш, тараткан.
УДУР САНАЛ. Улус Буянныг Медээни чүс-чүс чылдар ишти суртаалдап келген.
ШЫНАП-ЛА ЫНДЫГ БЕ? Шынап-ла Библиядан Буянныг Медээни улус суртаалдаарын кызып турган. Ынчалза-даа оларның хөй кезии ол ажылды чүгле кыска үе иштинде болгаш эвээш хемчээлге кылып турган. А Иегованың Херечилери ол ажылды бүгү делегейде демнии-биле кылып турар. База чүс-чүс миллион улус ол медээни дыңнаан. Олар төөгү дургузунда эрге-чагырга улузунуң талазындан удурланыышкыннарга таваржып турза-даа суртаал ажылын соксатпааннар (Марк 13:13) *. Олар ол дээш акша албайн турарлар. Иегованың Херечилери ол ажылче үезин үндүрүп, библейжи дептерлерни халас тарадып турарлар. Оларның ажыл-чорудулгазы эки тура-биле салган өргүлдерниң ачызында чоруттунуп турар.
ЧҮҮ ДЕП БОДААР СИЛЕР? Шынап-ла «Бурганның Чагыргазының дугайында Буянныг Медээ» бүгү делегейде тараттынып турар бе? Ол өттүр билген медеглелдиң күүсеттинип турары удавас эки өскерлиишкиннер болур дээн ол бе?
[Немелде тайылбыр]
^ 6 абз. Ооң дугайында хөйнү үш документалдыг фильмнерден билип ап болур силер: «Верные в испытании. Свидетели Иеговы в Советском Союзе», «Лиловые треугольники» болгаш «Мужество Свидетелей Иеговы перед лицом нацизма». Оларны Иегованың Херечилери тарадып турар.
[Киирилде немелде]
«Иегова чөпшээреп турда, кандыг-даа аргаларны ажыглап, Чагырга дугайында Буянныг Медээни ам-даа чүткүлдүү-биле суртаалдаар бис» (2010 ЧЫЛДЫҢ «ЕЖЕГОДНИК СВИДЕТЕЛЕЙ ИЕГОВЫ»).