Трос-а Инмарлэн нимъёсыз?
Библиысь валэктон
Инмарлэн одӥг гинэ нимыз вань. Еврей кылын со тазьы гожтӥське: יהוה. Удмурт кылын сое «Иегова» a шуыса верало. Кылсярысь, Удмурт Библиын Инмарлэн нимыз пумиське Улон-вылонын 22:14. Отын гожтэмын: «Авраам та интылы Иегова-ире b ним сётӥз». Нош Библилэн вашкала свитокъёсаз Инмарлэн нимыз ог 7 000 пол пумиське. Ӵошатоно ке титулъёсын, кудъёссэ Иегова ним интые куто, Инмарлэн нимыз трослы ӵемгес гожтэмын. Со сяна, одӥг мукет ним но Библиын сокем трос пол уг пумиськы.
Вань-а Иеговалэн мукет нимъёсыз?
Библия верамъя, Инмарлэн одӥг гинэ нимыз вань. Со дыре ик, Иеговалэн вань титулъёсыз, кудъёсыз возьмато, кыӵе сямо Инмар со луэ. Тани соос пӧлысь куд-огъёсыз.
Титул |
Библиысь кылбуръёс |
Мае возьматэ |
|---|---|---|
Аллах |
|
«Аллах» кыл, кудӥз араб кылысь басьтэмын, ним уг луы. Со титул, кудӥз «Инмар» шуэмез возьматэ. Соин ик со кутӥське куд-ог Библиосын, кудъёсыз араб но мукет кылъёсы берыктэмын. |
Альфа но Омега |
Усьтӥськон 1:8; 21:6; 22:13 |
«Нырысетӥез но, Берпуметӥез но», яке «Кутсконэз но, Пумыз но». Мукет сямен вераса, Иегова дырозь мукет Ваньмызлэсь Кужмо Инмар ӧй вал, уз но луы (Исаия 43:10). «Альфа» но «омега» — со грек алфавитысь нырысетӥез но берпуметӥез букваос. |
Атай |
Матфей 6:9 |
Улон сётӥсь. |
Бакельлыко Инмар |
1 Тимофейлы 1:11 |
Шумпотӥсь но шудо Инмар (Псалтирь 103:31). |
Ваньмызлэсь Кужмо Инмар |
Улон-вылон 17:1 |
Солэсь кужмо нокин ӧвӧл. Еврей кылын Эл Шадда́й, яке «Ваньмызлэсь Кужмо Инмар», шуыса веран Библиын сизьым пол пумиське. |
Возьмась |
Псалтирь 22:1 |
Ужась-тыршисьёсыз сярысь сюлмаське. |
Вылысь Инмар |
Псалтирь 46:3; Даниил 7:18, 27 |
Со ваньмызлэсь вылӥ инты басьтэ; самой быдӟым Кивалтӥсь. |
Дун-Сьӧлыктэм |
Мадёнъёс 9:10 |
Со кадь дун-сьӧлыктэм нокин ӧвӧл ни. |
Дурбасьтӥсь |
Псалтирь 17:3, 47 |
Со дорын утиськон шедьтыны луэ. |
Инмар |
Улон-вылон 1:1 |
Со, кинлы йыбыртъяло; туж кужмо. Элохи́м еврей кыл трос лыдын гожтэмын. Со возьматэ, Иегова самой вылӥ инты басьтэ шуыса. Озьы ик та кыл вера Иеговалэн данэз но паймымон сямъёсыз сярысь. |
Инмаръёслэн Инмарзы |
Кыкетӥ Закон 10:17 |
Ӵошатоно ке «номырлы ярантэм» инмаръёсын, кудъёсызлы адямиос йыбыртъяло, со Дунне Кутӥсь Инмар луэ (1 Паралипоменон 16:26). |
Кузё-Атай, Кузё-Инмар |
Улон-вылон 15:2 |
Со ваньмызлэсь быдӟым кивалтӥсь; еврей кылын Адона́й. |
Кузё-Инмар |
Псалтирь 134:5 |
Кузё; еврей кылын Адо́н яке Адони́м. |
Кылдытӥсь |
Псалтирь 149:2 |
Ваньзэ со кылдытӥз (Усьтӥськон 4:11). |
Кылэз юн юась |
Потон 34:14 |
Солы гинэ йыбыртъямез возьма. Озьы ик та веран берыктӥське «нокинэн уг ӵошатскы» но «возьма солы гинэ оскымон луэмез» шуыса. |
Лэсьтӥсь-Кылдытӥсь |
Исаия 64:8 |
Адямиосын но калыкъёсын кивалтэ озьы ик, кызьы горшок лэсьтӥсь горд сюен лэсьтэ сое, мар лэсьтэмез потэ (Римъёслы 9:20, 21). |
Мозмытӥсь |
Исаия 41:14 |
Иисус Христослэн мозмытӥсь курбонэзлы луыса адямиосты сьӧлыклэсь но кулонлэсь мозмытэ (Иоанн 3:16). |
Мон Со, Кин Вань |
Потон 3:14 |
Луэ со, кин луыны кулэ, аслэсьтыз эриксэ быдэстон понна. Озьы ик та кылъёсты берыктыны луэ «Мон луо со, кин луэме потэ» шуыса. Таӵе валэктон валаны юрттэ, мае возьматэ «Иегова» ним. |
Пумтэм вапумъёсысь Эксэй |
1 Тимофейлы 1:17 |
Со азьвыл котьку кивалтӥз, азьланяз но котьку кивалтоз. |
Пумтэм нуналъёс Улӥсь |
Даниил 7:9, 13, 22 |
Кутсконэз ӧй вал, кин ке но яке мар ке но кылдэмлэсь азьло пумтэм дыр ӵоже улӥз (Псалтирь 89:3). |
Саваоф Кузё-Инмар |
Исаия 1:9; Римъёслы 9:29 |
Туж трос кылчинъёсын кивалтэ. Озьы ик «Саваоф Кузё-Инмар» возьматэ «Иегова ожгарчиослэн» шуэмез (Римъёслы 9:29, Выль дуннелэн берыктэмез). |
Утись |
Исаия 45:21 |
Кышкытлыклэсь яке кулонлэсь уте. |
Еврей Гожтэмъёсысь инты нимъёсын
Инмарлэн нимыз Библиысь куд-ог инты нимъёсын пумиське. Озьы ке но со Инмарлэн нимъёсыз ӧвӧл.
Инты ним |
Библиысь кылбуръёс |
Мае возьматэ |
|---|---|---|
Иегова-ире |
Улон-вылон 22:13, 14 |
«Кузё-Инмар адӟоз-шедьтоз». |
Иегова Нисси |
Потон 17:15 |
«Кузё-Инмар — со мынам знамяе». Иегова — со Инмар, кудӥз доры калыкез лыктэ, юрттэт но утиськон шедьтон понна (Потон 17:13—16). |
Иегова Шалом |
Судьяос 6:23, 24 |
«Кузё-Инмар — со каньыллык». |
Малы Инмарлэсь нимзэ тодоно но нимызъя солы вазиськоно
Библиын Инмарлэн нимыз трос сюрс пол пумиське бере, адӟиське, Инмарлы аслаз нимыз дуно шуыса (Малахия 1:11).
Инмарлэн Пиез, Иисус, трос пол возьматылӥз, макем дуно луэ Инмарлэн нимыз. Кылсярысь, со Иеговалы тазьы вӧсяськиз: «Тынад нимыд дано мед луоз» (Матфей 6:9; Иоанн 17:6).
Инмарлэсь нимзэ тодыса но солы нимызъя вазиськыса, Инмарен эшъяськыны луэ (Псалтирь 9:11; Иоиль 2:32). Соос, кинъёс Иеговаен юн эшъясько, ас вылазы шӧдозы, кызьы быдэсмоз Иеговалэн кылсётонэз: «Монэ яратэм понназ сое мозмыто, утё сое, со Мынэсьтым нимме тодэ уго» (Псалтирь 90:14).
Библия вера: «Я инмын, я музъем вылын вань куд-ог инмар шуонъёссы,— вань трос „инмаръёссы“ но трос „кузёоссы“» (1 Коринфъёслы 8:5, 6). Но отысь адӟиське: вань одӥг гинэ зэмос Инмар, кудӥзлэн нимыз Иегова.
Тӥледлы тунсыко луоз, дыр
БИБЛИЫСЬ ЮАНЪЁСЛЫ ВАЛЭКТОНЪЁС
Кин со Иегова?
Со одӥг калыклэн гинэ Инмарез-а, кылсярысь, израиль калыклэн гинэ Инмарез-а?
БИБЛИЫСЬ ВАЛТӤСЬ ДЫШЕТОНЪЁС
Вань-а Инмарлэн нимыз?
Инмарлэн трос титулъёсыз, кылсярысь, Дунне Кутӥсь, Кылдытӥсь но Кузё-Атай. Та видеороликын верамын Инмарлэн нимыз сярысь, кудӥз Библиын 7 000-лэсь тросгес пол пумиське.
БИБЛИЫСЬ ЮАНЪЁСЛЫ ВАЛЭКТОНЪЁС
Зэм ик-а Инмарлэн нимыз Иисус?
Иисус ачиз сярысь ноку ӧз вера, со Ваньмызлэсь Кужмо Инмар луэ шуыса. Малы?
