Йәһва гувачилирида ондин бир қисмини ианигә бериш пәрзи йоқ. Ундақта, ондин бир қисмини бериш дегинимиз немә вә немишкә Йәһва гувачилири шундақ қилмайду?

 Мал-мүлкиниң ондин бир қисмини бериш қедимда Исраил хәлқигә берилгән Муса қанунидики буйруқларниң бири болған. Лекин Муқәддәс китапта Худаниң заманивий хизмәтчилиригә Муса қануниға риайә қилишниң һаҗити йоқ екәнлиги йезилған (Ибранийларға 7:5, 18; Колосилиқларға 2:13, 14).

 Бүгүн Йәһва гувачилири І-әсирдики мәсиһийләрдин үлгә елип, пүткүл дуниявий тәлим бериш паалийитини икки усулда қоллайду: биринчиси – һәқсиз вәзә қилиш һәм тәлим бериш, иккинчиси – ихтиярий ианә бериш.

 Шу арқилиқ улар Муқәддәс китапта йезилған мону көрсәтмини орунлайду: «Һәрким нарази һәм мәҗбурий түрдә әмәс, бәлки өз жүригидә қандақ қарарға кәлгән болса, шундақ иш қилсун, чүнки Худа хошаллиқ билән бәргүчини яхши көриду» (Коринтлиқларға 2-хәт 9:7)