ئوقۇرمەنلەرنىڭ سوئاللىرى
ھەزرىتى ئەيسانىڭ، مېنى دۇنياغا تىنچلىق ئېلىپ كەلدى، دەپ ئويلاپ قالماڭلار، دېگەن سۆزلىرى نېمىنى بىلدۈرىدۇ؟
ئەيسا كىشىلەرگە ئۆزئارا تىنچ-ئىناق ئۆتۈش ھەققىدە تەلىم بەرگەن ئىدى. ئەمما، ئۇ بىر قېتىم ئەلچىلىرىگە مۇنداق دېگەن: «مېنى دۇنياغا تىنچلىق ئېلىپ كەلدى، دەپ ئويلىماڭلار. مەن تىنچلىق ئەمەس، بەلكى قىلىچ ئېلىپ كەلدىم. چۈنكى، مەن ئوغۇلنى ئۆز ئاتىسىغا، قىزنى ئۆز ئانىسىغا ۋە كېلىننى ئۆز قېيىنانىسىغا قارشى چىقىرىپ، بۆلگۈنچىلىك سالغىلى كەلدىم» (مەتتا 10:34، 35). ئەيسا نېمە دېمەكچى بولغان؟
ئەيسا ئائىلە ئەزالىرىنى بىر-بىرىدىن ئايرىۋېتىشنى خالىمىغان ئىدى، ئەمما ئۇ ئۆز تەلىملىرىنىڭ بەزى ئائىلىلەردە بۆلۈنۈش پەيدا قىلىدىغانلىقىنى بىلەتتى. شۇڭلاشقا، مەسىھنىڭ شاگىرتى بولۇشنى ۋە چۆمۈلدۈرۈلۈشنى خالايدىغانلار ئۆزلىرىنىڭ چىقارغان قارارىنىڭ ئائىلىسىدىكىلەردىن بەزىلەرنى خۇشال قىلمايدىغانلىقىنى بىلىشى كېرەك. ئەگەر يەھۋا گۇۋاھچىسى ئەمەس جۈپتى ياكى ئائىلىدىكى باشقىلارنىڭ قارشىلىقىغا ئۇچرىسا، مەسىھنىڭ تەلىملىرىگە سادىق بولۇپ قېلىشى قىيىنغا توختىشى مۇمكىن.
مۇقەددەس كىتاب، ئەيسانىڭ شاگىرتلىرىنى«ھەممە ئادەملەر بىلەن تىنچ-ئىناق ئۆتۈڭلار»، دەپ ئىلھاملاندۇرىدۇ (رىملىقلار 12:18). ئەمما، ئەيسانىڭ تەلىملىرى بەزى ئائىلىلەر ئۈچۈن خۇددى «قىلىچ» كەبى رول ئوينايدۇ. يەنى، بىر ئائىلە كىشىلىرىدىن بىرى ئەيسانىڭ تەلىملىرىنى قوبۇل قىلىپ، باشقىلىرى ئۇنى رەت قىلغاندا ياكى قارشى تۇرغاندا شۇنداق بولىدۇ. بۇنداق ئەھۋالدا، ئورۇق-تۇغقانلار ھەقىقەتنى ئۆگىنىۋاتقان كىشىنىڭ «دۈشمەنلىرى» بولۇپ قالىدۇ.—مەتتا 10:36.
دىنىي ئېتىقادى ئوخشىمايدىغان ئائىلىدە ياشايدىغان يەھۋا گۇۋاھچىلىرى بەزىدە ئۆزلىرىنىڭ ياراتقۇچى يەھۋا ۋە مەسىھ ئەيساغا بولغان مۇھەببىتىنى سىنايدىغان ئەھۋاللارغا دۇچ كېلىدۇ. مەسىلەن، ئېتىقادى ئوخشىمايدىغان تۇغقانلار ئۇلارنى دىنىي ھېيت-بايرامنى تەبرىكلەشكە ئۈندەيدۇ. سىناققا دۇچ كەلگەندە، ئۇلارغا كىمنى خۇرسەن قىلىشنى قارار قىلىشقا توغرا كېلىدۇ. ئەيسا مۇنداق دېگەن: «كىمكى ئاتىسى ياكى ئانىسىنى مەندىنمۇ بەكرەك سۆيسە، مېنىڭ شاگىرتىم بولۇشقا لايىق ئەمەس» (مەتتا 10:37). ئەلۋەتتە، ئەيسا مەسىھ ھەقىقەتنى ئۆگىنىۋاتقانلارنىڭ ئۇنىڭ شاگىرتى بولۇشقا لايىق بولۇشى ئۈچۈن، ئاتا-ئانىلىرىنى سۆيۈشنى توختىتىشى كېرەكلىكىنى ئېيتمىغان. بەلكى، ئۇ ئۇلارغا ھاياتىدىكى ئەڭ مۇھىم نەرسىلەر قايسى ئىكەنلىكىنى قانداق قارار قىلىشنى ئۆگەتكەن ئىدى. ئەگەر باشقا دىندىكى ئائىلە ئەزالىرىمىز يەھۋاغا ئىبادەت قىلىش ئۈچۈن كۆرسىتىۋاتقان تىرىشچانلىقىمىزغا قارشى تۇرسا، بىز ئۇلارنى داۋاملىق ياخشى كۆرىمىز، ئەمما خۇداغا بولغان سۆيگۈ-مۇھەببىتىمىزنىڭ بىرىنچى ئورۇندا تۇرىدىغانلىقىنى ئېتىراپ قىلىمىز.
شەك-شۈبھىسىزكى، ئائىلىمىزدىكىلەرنىڭ قارشىلىقى كۆڭلىمىزنى ئىنتايىن ئازابلايدۇ. شۇنداقتىمۇ، ئەيسانىڭ شاگىرتلىرى ئۇنىڭ مۇنۇ سۆزىنى ئەستە ساقلايدۇ: «كىمكى ئۆزىنىڭ ئازاب تۈۋرۈكىنى كۆتۈرۈپ، مېنىڭ ئارقامدىن ئەگەشمىسە، شاگىرتىم بولۇشقا لايىق ئەمەس» (مەتتا 10:38). باشقىچە ئېيتقاندا، ئەيسانىڭ ئەگەشكۈچىلىرى ئائىلىسىدىكىلەرنىڭ قارشىلىقىنى مەسىھنىڭ شاگىرتلىرى خۇشاللىق بىلەن قوبۇل قىلىدىغان ئازابلارنىڭ بىر قىسىمى دەپ قارايدۇ. شۇنىڭ بىلەن بىر ۋاقىتتا، ئۇلار ياخشى ئىش-ھەرىكەتلىرى ئارقىلىق باشقا دىندىكى ئائىلە ئەزالىرىغا تەسىر قىلىپ، ئۇلارنىڭمۇ ئۆز كۆزقاراشلىرىنى ئۆزگەرتىپ، مۇقەددەس كىتاب ھەقىقىتىنى ئۆگىنىشىنى ئۈمىد قىلىدۇ.—1-پېتر. 3:1، 2.
بۇلارغىمۇ قىزىقىشىڭىز مۇمكىن
«كۆزىتىش مۇنارى» (تەتقىق قىلىش نەشىرى)
ئوقۇرمەنلەرنىڭ سوئاللىرى. 2022، ئاپرېل
مۇقەددەس كىتاب قەسەم توغرىسىدا نېمە دەيدۇ؟
«كۆزىتىش مۇنارى» (تەتقىق قىلىش نەشىرى)
ئوقۇرمەنلەرنىڭ سوئاللىرى _ 2022، ئاپرېل
ئەگەر بىر خۇدا خىزمەتچىسى، ئاجرىشىشقا مۇقەددەس كىتابقا ئاساسلانغان سەۋەبى بولمىسىمۇ، ئاجرىشىپ، باشقا بىرى بىلەن توي قىلسا، جامائەت ئۇنىڭ بۇرۇنقى نىكاھى بىلەن يېڭى نىكاھىغا قانداق كۆزقاراشتا بولىدۇ؟
«كۆزىتىش مۇنارى» (تەتقىق قىلىش نەشىرى)
ئوقۇرمەنلەرنىڭ سوئاللىرى. مارت، 2022
«كۆزىتىش مۇنارى» (تەتقىق قىلىش نەشىرى)
ئوقۇرمەنلەرنىڭ سوئاللىرى — دېكابىر 2021
«كۆزىتىش مۇنارى» (تەتقىق قىلىش نەشىرى)
ئوقۇرمەنلەرنىڭ سوئاللىرى—مارت، 2021
«كۆزىتىش مۇنارى» (تەتقىق قىلىش نەشىرى)
ئوقۇرمەنلەرنىڭ سوئاللىرى — دېكابىر، 2020
ئەلچى پاۋلۇسنىڭ 1-كورىنتلىقلار 15:29-ئايەتتىكى سۆزلىرى بەزى ئېتىقادچىلارنىڭ ئۆلگەنلەر ئۈچۈن چۆمۈلدۈرۈلۈشتىن ئۆتۈشى كېرەكلىكىنى بىلدۈرەمدۇ؟
