Esinumuĩlo 32:1-52
32 “Yeveleli Availu kuenje ndi vangula,Kuenda ongongo yi yevelele olondaka viomẽla wange.
2 Olonumbi viange vi ka loka ndombela;Olondaka viange vi ka loka ndowume,Ndombela yi loka levando kowangu,Kuenda ndombela yi lokila kovikũla.
3 Ndi ka sapula onduko ya Yehova.+
Sapuli eci catiamẽla kunene wa Suku yetu!+
4 Una okuti o sokisiwa lohanda, ovopange aye osi a lipua,+Momo olonjila viaye viosi viesunga.+
Suku ukuacili+ okuti lalimue eteke a lekisa ekambo liesunga;+Eye ukuesunga kuenda uwa.+
5 Ovilinga viavo ka via sungulukile.+
Ovo hamãlavayeko, omo liakandu avo muẽle.+
Ovo ocitumbulukila cimue cumbinde haico ca sina!+
6 Vu tati Yehova lonjila eyi,+Ene aveke haene ka vu kuete olondunge?+
Siti eye Isiove wa ku lulika,+Una wa ku panga haeye wa ku pamisa ndofeka?
7 Ivaluka oloneke vio kosimbu;Sokololi anyamo ovitumbulukila via pita.
Pulisa isiove kuenje eye o ku sapuilako;+Pulisavo akulu vove kuenje ovo va ka ku lomboluilako.
8 Eci Fũ a eca kolofeka ocipiñalo cavo,+Eci a tepisa omãla va Adama* omunu lomunu,+Eye wa kapa ongave yomanu+
Ndomo ci likuata letendelo liomãla va Isareli.+
9 Momo omanu va Yehova ovo onepa yaye;+Yakoba eye ocipiñalo caye.+
10 Eye wo sanga vofeka yekalasoko,+Ofeka yimue yekango haiyo yupolokoso.+
Wo ñuala ocingonja oku u teyuila, loku u tata,+Kuenda wo teyuila ndomõliso liaye.+
11 Ndeci ongonga yi longisa otumãla tuaye oku palãla,Loku vakuilila otumãla tuaye,Oyo yi nyanyumuĩla avava ayo loku va tikula,Kuenda yi vambatela vovonya ayo,+
12 Yehova eye lika wo* songuila;+Ka kuli osuku yikuavo ya kala laye.+
13 Eye wo wambata toke kovitumãlo via lepa viongongo,+Eye wa lia ovikũla vio vepia.+
Wo tekula lowiki wa tunda vesenjeLulela wa tunda vewe,
14 Longundi yongombe kuenda asenjele olomeme,Kumue lonepa ya velapo* yolomemeLovitupi violomeme vio ko Basiane kuenda olohombo,Lonepa ya velapo* yotiliku;+Kuenda wa nyua ovinyu ya tunda kayuva a kamiwa.
15 Eci Yesurumi* a neta, wa fetika oku lekisa esino.
Ove wa neta, wa pama kuenda wekuta.+
Noke wa yanduluka Suku una wo lulika,+Kuenje wa sepula Handa upopeli waye.
16 Ovo vo vetiya oku tema omo liolosuku vikuavo;+Vo sumuisa poku u lingila ovina viumbondo.+
17 Va eca ovilumba kolondele okuti, ku Suku hakoko,+Kolosuku vina okuti ka va vi kũlĩhĩle,Vimue pokati kavio viokaliye okuti,Ndaño vakukululu yavo ka va kũlĩhĩle olosuku viaco.
18 Ove wa ivalako Handa+ wa ku cita,Kuenda kua ivalukile Suku wa ku lulika.+
19 Eci Yehova a ci mola wa va likala+Momo omãla vaye valume lomãla vaye vakãi vo sumuisa.
20 Kuenje eye wa popia hati: ‘Ka va moli ocipala cange;+Ndi mola eci ci ka pita lavo.
Ovo ocitumbulukila cimue cumbinde,+Haivo omãla vamue okuti, havakuaciliko.+
21 Ovo va wengula onyeño yange leci okuti hasukuko;+Va ndi sumuisa loviteka viavo ka vi kuete esilivilo.+
Ndi ecelela okuti va kuata esepa lovina okuti hamanuko;+Ndi ka va sumuisa lofeka yimue okuti yaveke.+
22 Momo onyeño yange ya mĩha ondalu yimue,+Oyo yi ka taima toke valondo Onjembo,*+Yi nyõla ongongo kuenda ovikũla vialio,Yi timĩha oviseveto violomunda.
23 Ndi ka vokiya ohali yavo;Ndi ka va asa ovisongo viange.
24 Ovo va ka lambuka omo lionjala+Loku kuatiwa lombambi yalua kuenda va ka nyõliwa pe.+
Ndi ka va tumisa ovinyama via tema vi va takĩla+Kuenda inenu viovinyama vi likoka posi.
25 Osipata yi va pondela kosamua;+Vokati, va kuata usumba walua+Ci kaile ukuenje ale ufeko wosombo,Pamue oñaña ale ukulu wendamba.+
26 Nda nda popia hati: “Ndi ka va sandula;Nda nda ecelela okuti ka va ivalukiwa vali lomanu,”
27 Pole, si yongola okuti, ovanyãli va lipanda,+
Momo ovanyãli nda ka va kuatele elomboloko liaco.+
Ovo nda va popia vati: “Tua yula lunene wetu;+Yehova haeyeko wa linga ovina viosi evi.”
28 Momo ovo, ofeka yimue ka yi kuete olondunge,*Kuenda ka va kuete elomboloko.+
29 Nda va kuatele ño olondunge nda hĩse!+ Nda va ivaluka ovina viaco.+
Nda va sokolola ovina via laikele oku pita lavo.+
30 Omunu umosi o tẽla ndati oku landula 1.000 komanu,Kuenda omanu vavali va tilisa ndati 10.000 komanu?+
Ovo nda ka va ci tẽlele, te lika eci Handa yavo a va yanduluka+Kuenda Yehova nda wa va eca kovanyãli vavo.
31 Momo handa yavo ka kasi nda Handa yetu,+Ndaño muẽle ovanyãli vetu va ci limbuka.+
32 Ovo va sokisiwa layuva o ko SodomaA tunda kovapia o ko Gomora.+
Ayuva avo a kuete inenu,Ovisiakata viaco vi lula.+
33 Ovinyu yavo yi kuete owule wolonyõha,Owule wonyõha yinene.
34 Siti ovina viaco via solekiwa lame,Vosila yange?+
35 Efetuluinyo liange,+Votembo ya sokiyiwa okulu kuavo ku sielũha,+Momo eteke liohali yavo li kasi ocipepi,Kuenda eci ci laika oku iya kokuavo, ciya lonjanga.’
36 Momo Yehova o ka sombisa omanu vaye,+Eye o ka kuatela ohenda* akuenje vaye+Eci a ka limbuka okuti ongusu yavo ya tepuluka,Kuenda kua supa lika vana va sumua la vana va hongua.
37 Eye o ka popia hati: ‘Olosuku viavo vi kasi pi,+Handa yavo kuna va enda oku sandiliya eteyuilo,
38 Vana va enda oku lia ulela wovilumba* viavo,Haivo va enda oku nyua ovinyu yovilumba viavo vioku nyua va kasi pi?+
Ovo veye oco va ku kuatisi.
Va linge ocitumãlo cene ceteyuilo.
39 Limbuki okuti, ame ame muẽle Suku,+Ka kuli olosuku vikuavo, te ame lika.+
Ame ndi ponda kuenda ngeca omuenyo.+
Ndi lemẽha+ kuenje ndi sakula,+Lomue o tẽla oku yovola omunu umue peka liange.+
40 Momo ñatuila ovaka ange kilu,Loku lisinga hati: “Ndomo ñasi lomuenyo otembo ka yi pui,”+
41 Nda nda lepika osipata yange yi ninaLoku pongiya eka liange oco ndi sombise,+Ndi fetuluinya ovanyãli vange+Loku fetuluinya vana va ndi suvuka.
42 Ndi ka koluisa losonde ovisongo viange,Kuenje osipata yange yi ka lia ositu,Losonde yomanu va pondiwa, lava vambatiwa kumandekua,Lovitue viasongui unyãli.’
43 Sanjuki ene alofeka, kumue lomanu vaye,+Momo eye o ka fetuluinya osonde yakuenje vaye+Kuenje o ka fetuluinya ovanyãli vaye+Kuenda o ka tuvika* akandu omanu vo vofeka yaye.”
44 Mose weya, yu wa tukula olondaka viosi viocisungo eci kovaso yomanu+ okuti, eye kumue la Hosea*+ omõla a Nune.
45 Eci Mose a mala oku sapuila olondaka viosi evi ku va Isareli,
46 eye wa va sapuila hati: “Olondaka viosi ndu sapuili etaili vi kapi vutima wene,+ oco vu tẽli oku handeleka omãla vene okuti, va pokola kolondaka viosi Viocihandeleko eci.+
47 Momo olondaka evi haviesandako, pole, vi lomboloka omuenyo wene+ kuenda nda wa kapiko olondaka viaco, vu ka kala otembo yalua vofeka vu piñala poku yoka o Yordão.”
48 Yehova wa sapuila Mose keteke liaco hati:
49 “Lamanela komunda yo Avarime,+ Komunda Nevo,+ yi kasi vofeka yo Moavi, kovaso yo Yeriko kuenda tala ofeka yo Kanana, yina ñasi oku eca ku va Isareli oco va yi piñale.+
50 Noke ove o ka fila komunda yina o laika oku lamanela kuenda o ka kongeliwa komanu vove,* ndeci Arone huvove a fila Komunda Horo+ kuenje wa kongeliwa komanu vaye,
51 momo kavali kene ka wa kaili vakuacili kokuange eci wa kali pokati ka va Isareli kovava o ko Meriva+ ko Kadesi, vekalasoko lio ko Sini kuenda ka wa ndi sivayeli kovaso a va Isareli.+
52 Ofeka yaco o ka yi muila ocipãla, pole, ove ku ka iñila vofeka ñasi oku eca ku va Isareli.”+
Atosi Pombuelo
^ Ale pamue, “epata liomanu.”
^ Okuti, Yakoba.
^ Lit., “ulela wo.”
^ Lit., “ulela wolongẽla wo.”
^ Ci lomboloka “Yuna ukuesunga,” onduko yimue yesumbilo ku Isareli.
^ Okuti, ocitumãlo mu kendiwa omanu va fa.
^ Ale pamue, “ka va yevi elungulo.”
^ Ale “oku livela.”
^ Ale “oku lia ovilumba viavo via velapo.”
^ Ale “o ka yelisa.”
^ Onduko yatete ya Yehosua. Hosea onduko yoku teta onimbu konduko Hosiaya, yi lomboloka okuti, “wa Popeliwa la Yehova; Yehova wo Popela.”
^ Upopi umue wocindekaise u tiamisiwila kolofa.
