Olosamo 102:1-28
Ohutililo yomunu o talisiwa ohali eci a pua elavoko* kuenje o situluila asakalalo aye kovaso a Yehova.+
102 A Yehova, yevelela ohutililo yange;+Oku liyula kuange kuekuatiso ku pitĩle kokuove.+
2 Ku ka salamise ocipala cove kokuange kotembo yohali yange.+
Vonguila etũi liove* kokuange;Nambulule lonjanga eci mbilikiya.+
3 Momo oloneke viange vi takata ndowisi,Kuenda ndi yevite okuti akepa ange, a kasi oku pia ndu okuti a kasi vofolono.+
4 Utima wange, wa linga ndowangu wowuka haiwo wa kukuta,+Momo ame ndi ivalako oku lia ombolo yange.
5 Omo okuti ohali yange yalua calua,+Ndi leña leña kuenda akepa ange a kakatela kositu yange.+
6 Ame ndi molẽha ndu okuti ndihombe yo venyãla vekalasoko;Ndi kasi ndokacukucuku pokati kalunda.
7 Si tẽla oku pekela;*Ñasi ndonjila yimue yi kasi ulika kolusoka.+
8 Ovanyãli vange va ndi sepula eteke liosi.+
Vana va ndi yola epembe* va tukola onduko yange ndesiñalo.
9 Momo nda siata oku lia atiko ndombolo yange,+Ovinyua viange via tengiwa lasuẽlẽla,+
10 Mekonda lioku tema kuove kuenda onyeño yove,Momo ove wa ndi katula ño oco o ndi likale.
11 Oloneke viange vi kasi ndulembo u kasi oku pita,+Kuenda ñasi oku uwuka ndowangu.+
12 Pole, A Yehova, ove amamako otembo ka yi pui,+Kuenda ekemãlo* liove li kamamako kovitumbulukila viosi.+
13 Ocili, ove o ka katuka loku lekisa ohenda ko Siono,+Momo eyi oyo otembo yoku lekisa ohenda yove kokuayo;+Otembo ya tukuiwa ya pitĩla.+
14 Momo akuenje vove va sanjukila ovawe ayo+Kuenda ndaño muẽle oneketela yayo, va yi kuetele ocisola.+
15 Olofeka vi ka sumbila onduko ya Yehova,Kuenda olosoma viosi vio kilu lieve vi ka limbuka ulamba wove.+
16 Momo Yehova o ka tumbulula o Siono;+Eye o ka molẽha vulamba waye.+
17 Eye o ka yevelela ohutililo yolosuke;+Ka ka pembula ohutililo yavo.+
18 Eci ca sonehiwila ocitumbulukila ci keya,+Oco okuti omanu vana va laika oku sovuiwa* va ka sivaya Yehova.
19 Momo eye o vanja posi oku upisa kocitumãlo caye ci kola ca lepa,+Oku upisa kovailu, Yehova o lete ilu lieve,
20 Oco a yeve oku leña leña kuomandekua,+Loku yovola vana va pisiwila olofa,+
21 Oco onduko ya Yehova yi sapuiwe ko Siono+Kuenda esivayo liaye ko Yerusalãi,
22 Eci omanu kuenda ovosomaVa liongolola oco va vumbe Yehova.+
23 Osimbu otembo ka ya pitĩlile, eye wa njupa ongusu;Wa tepulula oloneke viange.
24 Nda popia siti: “A Suku yange,Ku ka ndi kundule vocakati comuenyo wange,Ove una, anyamo a kala vokuenda kuovitumbulukila viosi.+
25 Ove wa tumbika oviseveto vio kilu lieve osimbu,Kuenda ovailu upange wovaka ove.+
26 Ovio vi ka nyõleha, pole, ove o kamamako otembo ka yi pui;Ovio viosi vi ka pua nduwalo umue.
Ove o ka vi piñainya nduwalo kuenje vi ka takata.
27 Pole, ove lalimue eteke o pongoloka kuenda anyamo ove lalimue eteke a ka sulila.+
28 Omãla vakuenje vove va ka tunga loku kolapo,Kuenda ocitumbulukila cavo ci ka tumbikiwa loku pama kovaso yove.”+
Atosi Pombuelo
^ Ale “eci a hongua.”
^ Ale “Petama kuenda yevelela.”
^ Ale pamue, “Nda kopa calua.”
^ Ale “va ndi lingisa eveke.”
^ Ale “onduko.” Lit., “onjivaluko.”
^ Lit., “oku lulikiwa.”
