Olosamo 103:1-22
Osamo ya Daviti.
103 Linga ndi sivaye Yehova;Ovina viosi vi kasi vokati kange, vi sivaye onduko yaye yi kola.
2 Linga ndi sivaye Yehova;Lalimue eteke si ka ivaleko ovina viosi a linga.+
3 Eye ecela akulueya ove osi+Kuenda o sakula ovoveyi ove osi;+
4 Eye o yovola omuenyo wove vocitunu*+Kuenda o ku walisa ekolowa liocisola caye ka ci pongoloka kuenda ohenda.+
5 Eye oku kutisa lovina viwa+ vokuenda kuomuenyo wove wosi,Oco okuti ongusu* yove yi tumbuluiwa ndeyi yongonga.+
6 Yehova o lekisa esunga+ kuenda esungulukoKu vosi vana va talisiwa ohali.+
7 Eye wa situluila olonjila viaye ku Mose,+Lovilinga viaye komãla va Isareli.+
8 Yehova ukuahenda kuenda ukuacikembe,+O livala konyeño kuenda ukuacisola calua haico ka ci pongoloka.*+
9 Eye ka kamamako oku tu lemẽla omo liakulueya etu, otembo yosi,+Ndaño oku kuata ocikumbiti otembo ka yi pui.+
10 Eye ka tu tati ndomo ci likuata lakandu etu,+Ndaño oku tu fetuluinya ndomo ca sesamẽla lakulueya etu.+
11 Momo ndeci ovailu a lepa calua okuti ilu lieve li sule,Ocisola caye ka ci pongoloka, cinene ku vana vo sumbila.+
12 Ndeci utundilo u kasi ocipãla lutakelo,Haico eye a kapa akandu etu ocipãla letu.+
13 Ndeci isia umue a lekisa ohenda komãla vaye,Haico Yehova a lekisa ohenda ku vana vo sumbila.+
14 Momo eye wa kũlĩha ciwa ndomo tua pangiwa,+Ivaluka okuti, tuneketela.+
15 Oloneke viomunu o fa, vi kasi ndevi viowangu;+Eye o telẽha ndonelẽho yovusenge.+
16 Pole, eci ofela yi sika oyo ka yi kalako vali,Ndu okuti lalimue eteke ya kaleleko.*
17 Pole, ocisola ka ci pongoloka ca Yehova ci kala otembo ka yi pui*Ku vana vo sumbila,+Kuenda esunga liaye, li kala komãla vomãla vavo,+
18 Ku vana va kapako ocisila caye+Kuenda ku vana va pokola lutate kolonumbi viaye.
19 Yehova wa tumbika loku pamisa ocalo caye kovailu;+Kuenda uviali waye u viala ovina viosi.+
20 Sivayi Yehova ene angelo vaye vosi,+ wa pami kunene,Haene vu tẽlisa olondaka viaye+ poku pokola kondaka yaye.*
21 Sivayi Yehova ene alohoka viaye viosi,+Ene alondingupange viaye vu linga ocipango caye.+
22 Sivayi Yehova avopange aye osi,Kovitumãlo viosi eye a viala.*
Linga ndi sivaye Yehova lutima wosi.
Atosi Pombuelo
^ Ale “veyambo.”
^ Lit., “utila.”
^ Ale “ocisola ca piãla.”
^ Lit., “Kuenda ocitumãlo calio ka cu kũlĩha vali.”
^ Ale “tunde ka kuci toke ka kuci.”
^ Lit., “poku yeva ocileñi condaka yaye.”
^ Ale “kovitumãlo viuviali waye.”
