Olosamo 105:1-45
105 Eci olopandu ku Yehova,+ vilikiyi onduko yaye,Sapuli ovilinga viaye oco vi kũlĩhĩwe pokati komanu!+
2 U wimbili ovisungo, u wimbili ovisungo viesivayo,*Sokololi* kovopange aye osi a komõhisa.+
3 Lipandi eci catiamẽla konduko yaye yi kola.+
Ovitima via vana va sanda Yehova vi sanjuke.+
4 Sandi Yehova+ kuenda ongusu yaye.
Sandi ocipala* caye otembo yosi.
5 Ivaluki ovopange a komõhisa eye a linga,Ovikomo viaye kuenda asombiso eye a tukula,+
6 Ene acitumbulukila* ca Avirahama ukuenje wa Suku,+Ene amãla va Yakoba, alonõliwe viaye.+
7 Eye, eye Yehova Suku yetu.+
Asombiso aye a kasi kilu lieve liosi.+
8 Eye ivaluka ocisila caye otembo ka yi pui,+Ohuminyo eye a linga* kohulukãi yovitumbulukila,+
9 Ocisila a linga la Avirahama,+Kuenda ohuminyo a lisila la Isake,+
10 Cina eye a tumbika ndociholo cimue ku YakobaKuenda ndocisila ka ci pui ku Isareli,
11 Poku popia hati: “Ngeca kokuove ofeka yo Kanana+Ndocipiñalo ca eciwa kokuene.”+
12 Eci ca pita eci ovo va kala vatito ketendelo,+Ocili, va kala vatito calua kuenda va kala ovingendeleyi vofeka.+
13 Ovo va enda ofeka lofeka,Tunde kuviali umue toke komanu vakuavo.+
14 Eye ka ecelele okuti, omunu umue o va talisa ohali,+Pole, omo liavo, eye wa lungula olosoma,+
15 Poku popia hati: “Ko ka lambi kolombuavekua viange,Kuenda ko ka lingi eci cĩvi kovaprofeto vange.”+
16 Eye wa nena onjala vofeka;+Wa nyõla ombolo yeteku liavo.*
17 Eye wa tuma ulume umue kovaso yavo,Una wa landisiwa oco a kale upika okuti, Yosefe.+
18 Ovo va kuta* olomãhi viaye lovikumbi,+Vo kapa itale posingo;
19 Toke kotembo ondaka yaye ya tẽlisiwa,+Ondaka ya Yehova oyo yo yelisa.
20 Soma wa tuma oku u pandulula,+Ombiali yomanu yo weca.
21 Eye wo lingisa cime conjo yayeHaeye ombiali yovokuasi aye osi,+
22 Oco eye a kuate omoko* kolombuale viaye ndomo eye a yongola,Loku longisa olondunge kakulu vaye.+
23 Noke Isareli wa iñila Vegito,+Kuenda Yakoba wa kala ndocingendeleyi vofeka ya Hama.
24 Suku wa lingisa okuti omanu vaye va kuata omãla valua;+Eye wa va pamisa calua okuti ovanyãli vavo va sule,+
25 Eye wa ecelela okuti, ovanyãli va suvuka omanu vaye,Loku sokiya oku linga cĩvi kakuenje vaye.+
26 Eye wa tuma ukuenje waye Mose,+Kuenda Arone+ una eye a nõlele.
27 Ovo va linga olondimbukiso via tunda ku Suku pokati kavo,Okuti ovikomo viaye vofeka ya Hama.+
28 Eye wa tuma owelema kuenje ofeka ya tekãva;+Ovo ka va sinĩlile olondaka viaye.
29 Eye wa pongolola ovava avo oco a linge osonde,Kuenda wa ponda olõsi viavo.+
30 Ofeka yavo yeyukile lovinonga,+Ndaño muẽle volohondo vielombe.
31 Eye wa handelekele olonyiLolohamue oco vi katukile ovikanjo viavo viosi.+
32 Eye wa pongolola ombela yavo oco yi linge ociweKuenda wa tuma oviliakulo* vofeka yavo.+
33 Eye wa nyõla oviti viavo viayuva loviti viavo viukuyuKuenda wa kundula oviti viocikanjo cavo.
34 Eye wa tuma oco olohuma viye,Olohuma vitito ka vi tendiwa.+
35 Ovio via lia ovikũla viosi viofeka,Kuenda via lia ovaima o posi.
36 Noke eye wa kundula olonuñulu viosi viofeka yavo,+Apako atete ongusu yavo yoku cita.
37 Eye wa lingisa omanu vaye oku tunda lopalata kuenda lulu;+Kuenda lomue pokati kovikoti viaye wa lilondoka.
38 Va Egito va sanjuka eci va Isareli va tunda,Momo usumba va kuatela va Isareli* wa va wila.+
39 Eye wa kapa elende limue oco li va teyuile,+Kuenda wa tuma ondalu oco yece ocinyi kokuavo luteke.+
40 Ovo va pinga kuenje eye wa nena akalanga;+Eye wamamako oku va tekula lombolo yi tunda kilu.+
41 Eye wa yikula esenje limue kuenje mua tunda ovava;+O-o a pita vekalasoko ndolui.+
42 Momo eye wa ivaluka ohuminyo yi kola a lingile ku Avirahama ukuenje waye.+
43 Omo liaco, eye wopa omanu vaye,+Omanu va sanjuka, olonõliwe viaye via kaluka lonjolela.
44 Eye wa va ĩha osi yolofeka;+Ovo va piñala ovina omanu vakuavo va talavaya calua oco va vi kuate,+
45 Oco va kapeko oviholo viaye,+Kuenda oku pokola kovihandeleko viaye.
Sivayi Yehova!*
Atosi Pombuelo
^ Ale “oku linga ovisungo.”
^ Ale pamue, “Oku vangula eci catiamẽla.”
^ Ale “oku kala ocipepi.”
^ Ale “ovitumbulukila.” Lit., “ombuto.”
^ Lit., “Ondaka eye a handeleka.”
^ Lit., “wa teya ombueti yosi yombolo.” Citava okuti yi tiamisiwila kolombueti vioku pateka ombolo.
^ Lit., “oku talisa ohali.”
^ Lit., “Oku kuta.”
^ Ale “ulienge wondalu.”
^ Lit., “ovo.”
^ Ale “Aleluya!”
