Olosamo 107:1-43
107 Eci olopandu ku Yehova, momo eye uwa;+Ocisola caye ka ci pongoloka ci kala otembo ka yi pui.+
2 Eci oco vana va yovuiwa la Yehova va sukila oku popia,Vana eye a yovola peka* liunyãli,+
3 Vana eye opa kolofeka poku vongolola,+Oku upisa kutundilo kuenda kutakelo,*Oku upisa konano kuenda kombuelo.+
4 Ovo va tungayala vekalasoko okuti, vofeka ka muli omanu;Ovo ka va sangele onjila yenda volupale va laikele oku kala.
5 Ovo va kala lonjala kuenda lenyona;Ovo va honguele omo liekavo.
6 Ovo vamamako oku liyuila ku Yehova vohali yavo;+Eye wa va yovola kovitangi viavo.+
7 Eye wa va kokela oku endela vonjila ya sunguluka+Oco veye volupale lumue va ponduile oku kala.+
8 Omanu va ece olopandu ku Yehova+ omo liocisola caye ka ci pongolokaKuenda omo liovopange aye a komõhisa a lingila omãla vomanu.+
9 Momo eye wa nyuisa ava va kala lenyonaKuenda vana va kala lonjala wa va tekula lovina viwa.+
10 Vamue va kala vowelema walua,Okuti olomandekua via kala oku tala ohali kovikumbi.
11 Momo ovo va sinĩlile ondaka ya Suku;Ka va lekisile esumbilo kelungulo lia Fũ.+
12 Omo liaco, eye wa va kapa kutito poku ecelela okuti ovo va tala ohali;+Ovo va lilondoka kuenda ka kua kaile laumue oco a va kuatise.
13 Vohali yavo ovo va vilikiya Yehova oku pinga ekuatiso;Eye wa va popela kovitangi viavo.
14 Eye wa vopa vowelema walua,Kuenda wa tepa alienge avo.+
15 Omanu va ece olopandu ku Yehova omo liocisola caye ka ci pongoloka+Kuenda omo liovopange aye a komõhisa a lingila omãla vomanu.
16 Momo eye wa nyõla olombundi viosipiKuenda wa teta ovikundiko viutale.+
17 Ovo va kala aveke kuenda va tala ohali+Omo liakandu avo kuenda akulueya avo.+
18 Ovo va pumba onjongole yavo yoku lia ovikulia viosi;Va pitĩla ocipepi lolombundi violofa.
19 Vohali yavo, ovo va enda oku vilikiya ku Yehova oku pinga ekuatiso;Eye wa enda oku va popela kovitangi viavo.
20 Eye wa enda oku eca ocihandeleko coku va sakula+Kuenda wa enda oku va yovola vovitunu muna ovo va kupukila.
21 Omanu va ece olopandu ku Yehova omo liocisola caye ka ci pongolokaKuenda omo liovopange aye a komõhisa a lingila omãla vomanu.
22 Ovo va ece ovilumba violopandu+Kuenda va sapule ovopange aye loku kaluka lesanju.
23 Vana va linga ungende vokalunga lolonaviyu,Haivo va linga omĩlu yavo kilu liovava alua,+
24 Va siata oku mõla ovopange a YehovaKuenda ovopange aye a komõhisa vokalunga;+
25 Ovo va siata oku mõla ndomo ondaka ya Suku yi katula ehunguhungu liofela,+Lina li katula akimba okalunga.
26 Akimba a yelula vakuanaviyu;Kuenje yimue vali onjanja, va lokila vokati kokalunga.
Utõi wavo u yenguluka omo liefengi li laika oku iya.
27 Ovo va yengenga loku lilondoka ndomunu wa kolua,Kuenda uloño wavo wosi woku endisa onaviyu ka u kuata esilivilo.+
28 Vohali yavo, ovo va vilikiya ku Yehova,+Kuenje eye o va yovola kovitangi viavo.
29 Eye o tulumũla ehunguhungu liofela;Akimba okalunga a tulumũha.+
30 Ovo va sanjuka eci ovio vi tulumũha,Kuenje eye o va songuila ketapu va yongola.
31 Omanu va ece olopandu ku Yehova omo liocisola caye ka ci pongolokaKuenda omo liovopange aye a komõhisa a lingila omãla vomanu.+
32 Ovo vo kemãlise vekongelo liomanu,+Kuenda vo sivaye vohongele* yakulu.
33 Eye o pongolola olondui oco vi linge ekalasokoKuenda olono viovava oco vi linge ekango,+
34 Osi yima ciwa, o yi pongolola osi ka yimi,*+Omo liũvi wa vana va tungamo.
35 Eye o pongolola ekalasoko oco li linge oviva vieyuka oloneva,Kuenda osi ya kukuta oco yi linge olono viovava.+
36 Eye o kokela vana va kuete onjala oku tungamo,+Oco va tumbike olupale lumue muna va pondola oku kala.+
37 Ovo va waya ombuto vovapia kuenda va kũla oviumbo viayuva+Vima ovaima alua.+
38 Eye o va sumũlũisa kuenje ovo va livokiya calua;Eye ka ecelela okuti oviunda viavo vi tepuluka.+
39 Pole, yimue vali onjanja, ovo va tepuluka kuenda va kutisiwa osõiOmo liohali, efengi kuenda esumuo.
40 Eye o pesela esepu kolombualeKuenda o va kokela oku tungayala vekalasoko ka muli onjila.+
41 Pole, eye o teyuila* olohukũi kohali+Kuenda o luisa apata avo ndocunda cimue.
42 Vana va suñama, va ci mola kuenje va sanjuka;+Pole, olondingaĩvi viosi vi yika ovimẽla viavo.+
43 Omunu wosi ukualondunge o ka kapako ovina evi+Kuenda o ka sokolola lutate kovilinga via Yehova viocisola ka ci pongoloka.+
Atosi Pombuelo
^ Ale “kunene.”
^ Ale “Oku upisa kutundilo wekumbi kuenda kutakelo wekumbi.”
^ Lit., “omangu.”
^ Okuti “ofeka ya vĩhisiwa lomongua.”
^ Ale “o kapa kilu” okuti, lomue o pitĩlako.
