Olosamo 109:1-31
Kusongui wolonjimbi. Osamo ya Daviti.
109 A Suku una ndi sivaya,+ ku kamameko oku ũha.
2 Momo ondingaĩvi kuenda ukuelimbi va yulula omẽla wavo poku ndi katukila.
Ovo va vangula uhembi watiamẽla kokuange;+
3 Va ndi ñuala lolondaka viesuvu,Va ndi katukila ndaño ka va kuete esunga lioku ci linga.+
4 Ocisola cange va ci niuwila loku ndi lundila;+Pole, ndi amamako oku likutilila.
5 Eci ciwa va ci ndi fetuluinya leci cĩvi,+Kuenda ocisola cange va ci ndi fetuluinya lesuvu.+
6 Unyãli wange* a sombisiwe lomunu ondingaĩvi;Unyãli* umue a talame kondio yaye.
7 Eci eye a sombisiwa, a sangiwe leko;*Ohutililo yaye yi tendiwe ndekandu.+
8 Oloneke viaye vi tepuluke;+Umue wiñi a tambule ocikele caye coku tumĩla.+
9 Omãla* vaye va linge omãla ka va kuete isia,Kuenda ukãi waye a linge ocimbumba.
10 Omãla* vaye va ñuale ñuale loku pinga osimola,Va tunde volonjo viavo via nyõleha oco va sande okulia.
11 Una eye a levala a tambule cosi eye a kuete,Kuenda ovingendeleyi vi punde ovipako viaye.
12 Lomue ka ka lekise ohenda* kokuaye,Kuenda lomue ka ka lekise ohenda komãla vaye ka va kuete isia.
13 Ovitumbulukila viaye vi nyõliwe;+Olonduko viavo vi ivaliwe pokati kocitumbulukila cimue.
14 Yehova a ivaluke akulueya a vakukululu yaye+Kuenda ekandu lia inaye ka li ka ivaliwe.
15 Yehova olonjanja viosi a kapeko eci ovo va linga;Kuenda olonduko viavo vi ivaliwe kilu lieve.+
16 Momo omunu waco, wa ivalako oku lekisa ohenda,*+Pole, wamamako oku lambalala una o talisiwa ohali+ haeye ohukũi kuenda ukuotima wa teka,Oco o ponde.+
17 Eye wa solaile oku siñala kuenje esiñalo lio wila;Ka kuatele onjongole yoku sumũlũisa, omo liaco ka tambuile esumũlũho lalimue.
18 Eye wa walele asiñalo nduwalo.
Kuenje a iñila vetimba liaye ndovava,Kuenda a iñila vakepa aye ndulela.
19 Asiñalo aye a kale nduwalo eye a wala,+Kuenda nduvia eye a siata oku itika olonjanja viosi.
20 Eyi oyo ofeto ya Yehova komunu una o tamãlãla lame,+Kuenda ku vana va vangula ovina vĩvi viatiamẽla kokuange.
21 Pole, ove a Yehova Ñala Tõlo,Lekisa ohenda kokuange mekonda lionduko yove.+
Mopele, momo ocisola cove ka ci pongoloka ciwa.+
22 Momo ame si kuete ekuatiso kuenda ndihukũi,+Kuenda utima wange wa lemẽhiwa vokati kange.+
23 Ñasi oku puapo ndulembo u kasi oku pita;Nda imbiwa ocipãla ndoluhuma.
24 Olongolo viange via hongua omo lioku likandangiya oku lia;Etimba liange lia kopa kuenda ñasi oku nyõleha.*
25 Kokuavo nda linga ocikuata cesepu.+
Eci va ndi mola, va puka puka ovitue viavo.+
26 A Yehova Suku yange, ñuatise;Mopele omo liocisola cove ka ci pongoloka.
27 A Yehova, ovo va kũlĩhe okuti,Epopelo lia eciwa leka liove.
28 Ovo va tukule esiñalo limue, pole, ove tukula esumũlũho limue.
Eci ovo va ndi katukila, va kutisiwe osõi,Pole, ukuenje wove a sanjuke.
29 Vana va tamãlãla lame va walisiwe esepu;Va muñiwe vosõi yavo ndu okuti vocikutu.*+
30 Omẽla wange u ka sivaya Yehova lombili yalua;Ndi ko sivayela kovaso omanu valua.+
31 Momo eye o ka talama kondio yohukũi,Oco o popele ku vana vo pisa.
Atosi Pombuelo
^ Lit., “eye.”
^ Ale “ukualundi.”
^ Ale “ondingaĩvi.”
^ Lit., “omãla valume.”
^ Lit., “omãla valume.”
^ Ale “ocisola ka ci pongoloka.”
^ Ale “ocisola ka ci pongoloka.”
^ Lit., “Ositu yange ya kopa, ka yi kuete ulela.”
^ Ale “esanya ka li kuete ovoko.”
