Olosamo 135:1-21
135 Sivayi Yehova!*
Sivayi onduko ya Yehova;U sivayi ene akuenje va Yehova,+
2 Ene vu kasi oku vumba vonjo ya Yehova,Kovitali vionjo ya Suku yetu.+
3 Sivayi Yehova, momo Yehova uwa.+
Imbili onduko yaye ovisungo viesivayo,* momo ci sanjuisa.
4 Momo Yehova wa nõla Yakoba ndukuenje waye,Isareli oco a linge ocipiñalo caye cilikasi.*+
5 Nda kũlĩha ciwa okuti, Yehova unene;Ñala yetu unene calua okuti, olosuku viosi vikuavo vi sule.+
6 Yehova o linga ovina viosi eye a yongola oku linga,+Kilu, vongongo, vokalunga kuenda valondo osi.
7 Eye o kokisa okuti alende* a londa oku upisa kasulilo o kilu lieve;Eye o tuma oviliakulo kumue lombela;Eye o tundisa ofela volosila viaye.+
8 Eye wa ponda olonuñulu vio Kegito,Ci kaile viomanu kuenda viovinyama.+
9 A Egito, eye wa tuma olondimbukiso kuenda ovikomo pokati kove,+Eye wa vi lekisa ku Fareo kuenda kakuenje vaye vosi.+
10 Eye wa kundula olofeka vialua,+Kuenda wa ponda olosoma via pama okuti,+
11 Sihoni osoma ya va Amori,+Oge osoma yo Basiane,+Kuenda wa kundula ovosoma osi o ko Kanana.
12 Eye wa eca ofeka yavo ndocipiñalo,Ocipiñalo cimue komanu vaye va Isareli.+
13 A Yehova, onduko yove yi kala otembo ka yi pui.
A Yehova, ekemãlo* liove li kala kovitumbulukila viosi.+
14 Momo Yehova o ka teyuila omanu vaye,+Kuenda o ka kuatela ohenda akuenje vaye.+
15 Oviteka violofeka, opalata lulu okuti,Upange wovaka omunu.+
16 Ovio vi kuete omẽla, pole, ka vi tẽla oku vangula;+Vi kuete ovaso, pole, ka vi tẽla oku vanja;
17 Vi kuete ovatũi, pole, ka vi tẽla oku yeva.
Vomẽla wavio ka mu tundi efuimo.+
18 Omanu vana va vi panga, va ka kala ndoviteka viaco,+La vosi vana va kolela kokuavio.+
19 Anjo ya Isareli, sivaya Yehova.
Anjo ya Arone, sivaya Yehova.
20 Anjo ya Lewi, sivaya Yehova.+
Ene wa sumbili Yehova, sivayi Yehova.
21 Yehova a sivayiwe ko Siono,+Una wa tunga vo Yerusalãi.+
Sivayi Yehova!+
Atosi Pombuelo
^ Ale “Aleluya!”
^ Ale “Oku linga ovisungo.”
^ Ale “ca soliwa.”
^ Ale “ombundu.”
^ Ale “onduko.” Lit., “onjivaluko.”
