Olosamo 147:1-20
147 Sivayi Yehova!*
Ciwa calua oku imbila Suku yetu ovisungo viesivayo;*Ci sanjuisa kuenda ca sunguluka oku u sivaya!+
2 Yehova o kasi oku tunga o Yerusalãi;+Eye o nena vali va Isareli vana va kala kumandekua.+
3 Eye o sakula vakuavitima via teka;Eye o tata apute avo.
4 Eye o tenda olombungululu;O vi tukula viosi kolonduko.+
5 Ñala yetu unene kuenda wa pama calua;+Elomboloko liaye ka li tendiwa.+
6 Yehova o votola embombe,+Pole, o kupuila posi ondingaĩvi.
7 Imbili Yehova ovisungo violopandu;Imbili Suku yetu ovisungo viesivayo vi kuamiwa lohalupa,
8 Ku Una o sitika ovailu lalende,Haeye Una o lokisa ombela kilu lieve,+Una o kokisa owangu oku tunda+ kolomunda.
9 Eye eca okulia kovinyama,+Kuenda komãla vovikuamanga vi kalukila okulia.+
10 Eye ka sanjukila ongusu yokavalu;+Ndaño oku komõhela ovolu a pama omunu.+
11 Yehova o sanjukila vana vo sumbila,+Vana va talamẽla kocisola caye ka ci pongoloka.+
12 Sivaya Yehova, A Yerusalãi.
A Siono, sivaya Suku yove.
13 Eye o kolisa ovikundiko violombundi violupale luove;Eye o sumũlũisa omãla vove.
14 Eye o nena ombembua vocikanjo cove;+Eye o ka ku kutisa lotiliku ya piãla koku fina.*+
15 Eye o tuma ocihandeleko caye kilu lieve;Ondaka yaye yi lupuka lonjanga.
16 Eye o lokisa ocikokoto ndovonya;+O sandula ocikokoto ndetiko.+
17 Eye o lokisa ociwe caye ndolosisi viombolo.+
Helie o tẽla oku pandikisa lombambi yaye?+
18 Eye o tuma ondaka yaye kuenje ocikokoto ci yenguluka.
Eye o sikisa ofela yaye+ kuenje ovava a lupuka.
19 Eye o sapula ondaka yaye ku Yakoba,Olonumbi viaye kuenda asombiso aye ku Isareli.+
20 Eye ka ci lingile lolofeka vikuavo;+Ovio ka via kũlĩhĩle lacimue catiamẽla kasombiso aye.
Sivayi Yehova!*+
Atosi Pombuelo
^ Ale “Aleluya!”
^ Ale “oku linga ovisungo.”
^ Lit., “ulela wotiliku.”
^ Ale “Aleluya!”
